ട്രൂ കെയർ ചാരിറ്റബിൾ ട്രസ്റ്റ് അവലോകന യോഗം ചേർന്നു ​

ട്രൂ കെയർ ചാരിറ്റബിൾ ട്രസ്റ്റ് അവലോകന യോഗം ചേർന്നു

​

പന്തീരാങ്കാവ്: സാമൂഹിക, സാംസ്കാരിക, ജീവകാരുണ്യ മേഖലകളിൽ സജീവ സാന്നിധ്യമായ ട്രൂ കെയർ ചാരിറ്റബിൾ ട്രസ്റ്റിന്റെ അവലോകന യോഗം പന്തീരാങ്കാവിലെ ട്രസ്റ്റ് ഓഫീസിൽ വച്ച് നടന്നു.

​

ഓഗസ്റ്റ് എട്ടിന് പെരുവയൽ ഗ്രാമപഞ്ചായത്ത് ഓഡിറ്റോറിയത്തിൽ വച്ച് നടന്ന ട്രസ്റ്റിന്റെ ഔദ്യോഗിക ഉദ്ഘാടന പരിപാടിയുടെ തുടർവിലയിരുത്തലുകൾക്കായാണ് യോഗം ചേർന്നത്.

കുന്നമംഗലം എം.എൽ.എ എം.എ. റസാഖ് മാഷ് ഉദ്ഘാടനം ചെയ്ത ചടങ്ങിൽ വൈവിധ്യമാർന്ന പ്രോഗ്രാമുകളും ഫുഡ് കിറ്റ് വിതരണവും സംഘടിപ്പിച്ചിരുന്നു.

​വൻ വിജയമായി തീർന്ന ഉദ്ഘാടന ചടങ്ങിന്റെ സംഘാടനത്തിലെ പോസിറ്റീവ്, നെഗറ്റീവ് വശങ്ങളും ഭാവി പ്രവർത്തനങ്ങളും യോഗം വിശദമായി വിലയിരുത്തി.

​

ട്രസ്റ്റ് ചെയർപേഴ്സൺ ആമിന ജിജു സ്വാഗതം ആശംസിച്ചു. റിട്ടയേഡ് സബ് ഇൻസ്പെക്ടറും ലഹരി നിർമാർജന സമിതി സംസ്ഥാന സെക്രട്ടറിയുമായ സുബൈർ നെല്ലൂളി യോഗത്തിൽ അധ്യക്ഷത വഹിച്ചു. ഭാരവാഹികളായ കരീം എളമരം, റഹീം പൂവാട്ടുപറമ്പ്, മുഹമ്മദ് ബാവ, സലിം പെരുമണ്ണ തുടങ്ങിയവർ സംസാരിച്ചു.