REC - മുത്തേരി റോഡ് പ്രവൃത്തി: വേഗത്തിലാക്കാൻ സമഗ്ര യോഗം ചേർന്നു; ബി.എം ചെയ്ത് ഗതാഗതയോഗ്യമാക്കും ​

REC - മുത്തേരി റോഡ് പ്രവൃത്തി: വേഗത്തിലാക്കാൻ സമഗ്ര യോഗം ചേർന്നു; ബി.എം ചെയ്ത് ഗതാഗതയോഗ്യമാക്കും

​

കോഴിക്കോട്: REC - മുത്തേരി റോഡ് നിർമ്മാണ പ്രവൃത്തികളുടെ പുരോഗതി വിലയിരുത്തുന്നതിനും തടസ്സങ്ങൾ പരിഹരിക്കുന്നതിനുമായി ജനപ്രതിനിധികളുടെയും വിവിധ വകുപ്പ് ഉദ്യോഗസ്ഥരുടെയും സംയുക്ത യോഗം ചേർന്നു. സ്ഥലം എം.എൽ.എ അഡ്വ. പി.ടി.എ റസാക്ക് മാസ്റ്ററുടെ നേതൃത്വത്തിലാണ് ചർച്ച നടന്നത്.

​പി.ഡബ്ല്യു.ഡി, കെ.എസ്.ഇ.ബി, ഊരാളുങ്കൽ സൊസൈറ്റി, ജലജീവൻ മിഷൻ എന്നിവയിലെ ഉദ്യോഗസ്ഥരും ജനപ്രതിനിധികളും യോഗത്തിൽ പങ്കെടുത്തു. റോഡ് നിർമ്മാണം എത്രയും വേഗം B.M (ബിറ്റുമിനസ് മക്കാഡം) ചെയ്ത് പൂർത്തിയാക്കി ഗതാഗതയോഗ്യമാക്കാനും, നിലവിൽ നാട്ടുകാരുടെ പരാതികളുള്ള സ്ഥലങ്ങളിൽ നേരിട്ടെത്തി പ്രശ്നങ്ങൾ പരിഹരിച്ചു മുന്നോട്ടുപോകാനും യോഗത്തിൽ തീരുമാനമായി.

​പഞ്ചായത്ത് പ്രസിഡന്റ് നദീറ, വാർഡ് മെമ്പർ സുഹറാബി അമീർ, N.P ഹംസ മാസ്റ്റർ, മൊയ്തു പീടികക്കണ്ടി, 5-ാം വാർഡ് മെമ്പർ സലീന, എൻ.പി ഹമീദ് മാസ്റ്റർ, N.M ഉസയിൻ, കോയ N.P, അമീർ K, സിദ്ധീഖ് പീടികക്കണ്ടി, ഹനീഫ പൂലോട്ട്, സലിം KT എന്നിവർ യോഗത്തിൽ സംബന്ധിച്ചു.