മുഅല്ലിം സമ്മേളനം സമാപിച്ചു ​

മുഅല്ലിം സമ്മേളനം സമാപിച്ചു

​

മാവൂർ: സമസ്ത സെന്റിനറിയുടെ അനുബന്ധമായി സംസ്ഥാന കമ്മിറ്റി സംഘടിപ്പിക്കുന്ന മേഖലാ സമ്മേളനങ്ങളുടെ ഭാഗമായുള്ള മാവൂർ മേഖലാ മുഅല്ലിം സമ്മേളനം മാവൂർ മഹ്ളറയിൽ വെച്ച് നടന്നു.

​എസ്.ജെ.എം (SJM) ജില്ലാ പ്രസിഡന്റ് അബ്ദുന്നാസർ സഖാഫി ഉദ്ഘാടനം നിർവഹിച്ചു. എസ്.ജെ.എം മേഖലാ പ്രസിഡന്റ് ടി.പി. മുഹമ്മദ് സഖാഫി അധ്യക്ഷത വഹിച്ചു.

​സമ്മേളനത്തിൽ 'സമസ്തയുടെ ചരിത്രം' എന്ന വിഷയത്തിൽ റഹ്മത്തുള്ള സഖാഫി എളമരവും, 'മുഅല്ലിമിന്റെ ദൗത്യം' എന്ന വിഷയത്തിൽ ബഷീർ മുസ്ലിയാർ ചെറൂപ്പയും ക്ലാസുകൾക്ക് നേതൃത്വം നൽകി.

​എസ്.എം.എ (SMA) കുന്നമംഗലം മേഖലാ പ്രസിഡന്റ് ഹാശിം തങ്ങൾ, കെ.എസ്.എ. തങ്ങൾ, കെ.പി. ഫൈസി എന്നിവർ സംബന്ധിച്ചു. എസ്.ജെ.എം മേഖലാ സെക്രട്ടറി മൂസ സഖാഫി സ്വാഗതവും അഷ്‌റഫ് സഖാഫി നന്ദിയും പറഞ്ഞു