മാവൂർ പഞ്ചായത്ത് മുസ്ലിം ലീഗ്: മങ്ങാട്ട് അബ്ദുറസാഖ് പുതിയ പ്രസിഡന്റ്

മാവൂർ പഞ്ചായത്ത് മുസ്ലിം ലീഗ്: മങ്ങാട്ട് അബ്ദുറസാഖ് പുതിയ പ്രസിഡന്റ്

​

മാവൂർ: മാവൂർ പഞ്ചായത്ത് മുസ്ലിം ലീഗ് പുതിയ പ്രസിഡന്റായി മങ്ങാട്ട് അബ്ദുറസാഖിനെ തിരഞ്ഞെടുത്തു. നിലവിലെ പ്രസിഡന്റ് എൻ.പി. അഹമ്മദ് ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാനായി ചുമതലയേറ്റതിനെത്തുടർന്നാണ് സംഘടനയിൽ പുതിയ സ്ഥാനമാറ്റം.

​കെ. ആലി ഹസ്സൻ ആണ് പുതിയ വൈസ് പ്രസിഡന്റ്. കെ.എം. മുർത്താസിനെ സെക്രട്ടറിയായും തിരഞ്ഞെടുത്തു.

​മാവൂർ എസ്.ടി.യു. ഓഫീസിൽ വെച്ച് ചേർന്ന കൗൺസിൽ യോഗത്തിൽ നിയോജകമണ്ഡലം ജനറൽ സെക്രട്ടറി എൻ.പി. ഹംസ മാസ്റ്റർ തിരഞ്ഞെടുപ്പ് ഉദ്ഘാടനം ചെയ്തു. എൻ.പി. അഹമ്മദ് യോഗത്തിൽ അധ്യക്ഷത വഹിച്ചു.

​ചടങ്ങിൽ ടി.പി. ചെറൂപ്പ, ഒ. ഹുസൈൻ, അഹമ്മദ് കുട്ടി അരയൻകോട്, എം. ഇസ്മായിൽ മാസ്റ്റർ, ഒ.എം. നൗഷാദ് തുടങ്ങിയ നേതാക്കൾ സംബന്ധിച്ചു. കെ. ലത്തീഫ് മാസ്റ്റർ സ്വാഗതവും പി. ഉമ്മർ മാസ്റ്റർ നന്ദിയും പറഞ്ഞു.