ചാരിറ്റി കൗൺസിലിംഗ് രംഗത്തെ ശ്രദ്ധേയ സാന്നിധ്യം: തൽഹത്ത് കുന്നമംഗലത്തിന് ആദരം

ചാരിറ്റി കൗൺസിലിംഗ് രംഗത്തെ ശ്രദ്ധേയ സാന്നിധ്യം: തൽഹത്ത് കുന്നമംഗലത്തിന് ആദരം

​

കുന്നമംഗലം: ട്രൂ കെയർ ചാരിറ്റബിൾ ട്രസ്റ്റ് അംഗവും സൈക്കോളജിക്കൽ കൗൺസിലറും ഹിപ്നോട്ടിസ്റ്റുമായ തൽഹത്ത് കുന്നമംഗലത്തിനെ മെക് 7 കുന്നമംഗലം സംഘടിപ്പിച്ച ഓണാഘോഷ പരിപാടിയിൽ ആദരിച്ചു. സമൂഹ നന്മ ലക്ഷ്യമിട്ടുള്ള ഷോർട്ട് ഫിലിമുകളിലൂടെ ശ്രദ്ധേയനായ നടൻ എന്ന നിലയിലും ജീവകാരുണ്യ രംഗത്തെ സജീവ സാന്നിധ്യം എന്ന നിലയിലുമാണ് അദ്ദേഹത്തെ ചടങ്ങിൽ ആദരിച്ചത്.

​മെക് 7 സീനിയർ അംഗങ്ങളായ ജോൺ സി.സി. കാരന്തൂർ, രവീന്ദ്രനാഥ് കുന്നമംഗലം, കുഞ്ഞോദി എന്നിവരെയും ചടങ്ങിൽ ആദരിക്കുകയുണ്ടായി.

​ദാവൂദ് അലിയുടെ അധ്യക്ഷതയിൽ ചേർന്ന യോഗം ജില്ലാ പ്രോഗ്രാം ഓർഗനൈസർ അഷറഫ് അണ്ടോണ ഉദ്ഘാടനം ചെയ്തു. റഷീദ് കുന്നമംഗലം സ്വാഗതം ആശംസിച്ച ചടങ്ങിൽ ജില്ലാ കോഡിനേറ്റർ എൻ.കെ. മുഹമ്മദ് മാസ്റ്റർ മുഖ്യപ്രഭാഷണം നടത്തി.

​റസാഖ് ചെറുവറ്റ, മജീദ് പൊളി, മുഹമ്മദ് റാഫി, ആയിഷ ടീച്ചർ, അബൂബക്കർ സി.വി., സൈദുട്ടി ആരാമ്പ്രം, കോയ മാസ്റ്റർ കാരന്തൂർ, മുഹമ്മദ് ചെലവൂർ എന്നിവർ ആശംസകൾ നേർന്നു സംസാരിച്ചു. ഷംസുദ്ദീൻ മൂത്തടക്കാട് നന്ദി രേഖപ്പെടുത്തി.