എൽ.ഡി.എഫ് മാവൂർ പഞ്ചായത്ത് കമ്മിറ്റി ഗ്രാമപഞ്ചായത്ത് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു

എൽ.ഡി.എഫ് മാവൂർ പഞ്ചായത്ത് കമ്മിറ്റി ഗ്രാമപഞ്ചായത്ത് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു

​

മാവൂർ: തദ്ദേശ സ്വയംഭരണ സ്ഥാപനങ്ങൾക്കുള്ള പദ്ധതി വിഹിതം വെട്ടിക്കുറച്ച യു.ഡി.എഫ് സർക്കാരിന്റെ നടപടിക്കെതിരെ ശക്തമായ പ്രതിഷേധവുമായി എൽ.ഡി.എഫ് മാവൂർ പഞ്ചായത്ത് കമ്മിറ്റി. മാവൂർ ഗ്രാമപഞ്ചായത്ത് ഓഫീസിലേക്ക് സംഘടിപ്പിച്ച പ്രതിഷേധ മാർച്ച് സർക്കാരിന്റെ ജനവിരുദ്ധ നയങ്ങൾക്കെതിരെയുള്ള താക്കീതായി മാറി.

​പ്രതിഷേധ മാർച്ച് ആർ.ടി.ഡി സംസ്ഥാന ജനറൽ സെക്രട്ടറി സഖാവ് വി. കുഞ്ഞാലി ഉദ്ഘാടനം ചെയ്തു. തദ്ദേശ സ്ഥാപനങ്ങളുടെ വികസന പ്രവർത്തനങ്ങളെ തളർത്തുന്ന നയങ്ങളിൽ നിന്ന് സർക്കാർ പിന്തിരിയണമെന്ന് അദ്ദേഹം ആവശ്യപ്പെട്ടു.

​ഐ.എൻ.എൽ ജില്ലാ കമ്മിറ്റി അംഗം പി.ടി. മുഹമ്മദ് ചടങ്ങിൽ അധ്യക്ഷത വഹിച്ചു. പുതുക്കുടി സുരേഷ് സ്വാഗതം ആശംസിച്ചു.

​സി.പി.ഐ (എം) കുന്ദമംഗലം ഏരിയാ കമ്മിറ്റി അംഗം ഇ. വിനോദ് കുമാർ, മാവൂർ ലോക്കൽ സെക്രട്ടറി പി. സുനിൽകുമാർ, ചെറൂപ്പ ലോക്കൽ സെക്രട്ടറി ശങ്കരനാരായണൻ, ആർ.ജെ.ഡി നേതാവ് സദാനന്ദൻ, എം. ധർമ്മജൻ, എൻ. ഗിരീഷ് തുടങ്ങിയവർ സംസാരിച്ചു. ഒട്ടേറെ എൽ.ഡി.എഫ് പ്രവർത്തകർ മാർച്ചിൽ അണിനിരന്നു.