ബഡ്സ് സ്കൂൾ ജീവനക്കാരുടെ നിയമനം: മന്ത്രി കെ.എം. ഷാജിക്ക് നിവേദനം നൽകി

ബഡ്സ് സ്കൂൾ ജീവനക്കാരുടെ നിയമനം: മന്ത്രി കെ.എം. ഷാജിക്ക് നിവേദനം നൽകി

​

കൊണ്ടോട്ടി: ബഡ്സ് സ്കൂളുകളിലെ ജീവനക്കാരുടെ നിയമനത്തിൽ മാനസിക വെല്ലുവിളി നേരിടുന്ന ഭിന്നശേഷിക്കാരുടെ രക്ഷിതാക്കൾക്ക് മുൻഗണന നൽകണമെന്നാവശ്യപ്പെട്ട് തദ്ദേശ സ്വയംഭരണ വകുപ്പ് മന്ത്രി കെ.എം. ഷാജിക്ക് നിവേദനം നൽകി.

​ബഡ്സ് സ്കൂളുകളിൽ ഒഴിവുള്ള അധ്യാപക തസ്തികകളിലും മറ്റ് ജീവനക്കാരുടെയും നിയമനം എത്രയും വേഗം പൂർത്തിയാക്കുക, സർക്കാരിൽ സമർപ്പിക്കേണ്ട ലൈഫ് സർട്ടിഫിക്കറ്റുകൾ ലഭ്യമാക്കുന്നതിനുള്ള നിലവിലെ സങ്കീർണ്ണമായ നടപടിക്രമങ്ങൾ ലഘൂകരിക്കുക തുടങ്ങി പഞ്ചായത്ത് തലത്തിൽ അടിയന്തരമായി പരിഗണിക്കേണ്ട വിവിധ ആവശ്യങ്ങൾ ഉന്നയിച്ചാണ് നിവേദനം സമർപ്പിച്ചത്.

​പരിവാർ കൊണ്ടോട്ടി ബ്ലോക്ക് പ്രസിഡന്റ് കരീം എളമരത്തിന്റെ നേതൃത്വത്തിലാണ് പ്രതിനിധി സംഘം മന്ത്രിയെ കണ്ടത്. പരിവാർ ബ്ലോക്ക് ഭാരവാഹികളായ മുഹമ്മദ് കോയ, ലുമാന എന്നിവരും നിവേദക സംഘത്തിൽ ഉണ്ടായിരുന്നു