ചാലപ്പുറം ഗവ. ഗണപത് ഗേൾസ് സ്കൂളിൽ ചരിത്ര-പുരാവസ്തു പ്രദർശനം

ചാലപ്പുറം ഗവ. ഗണപത് ഗേൾസ് സ്കൂളിൽ ചരിത്ര-പുരാവസ്തു പ്രദർശനം

​

കോഴിക്കോട്: ചരിത്രത്തെയും പൈതൃകത്തെയും അടുത്തറിയുന്നതിനായി ചാലപ്പുറം ഗവ. ഗണപത് ഗേൾസ് ഹയർ സെക്കൻഡറി സ്കൂളിൽ പ്രത്യേക ചരിത്ര-പുരാവസ്തു പ്രദർശനം സംഘടിപ്പിക്കുന്നു. "Ancient Echoes – A Voyage Through the Past" എന്ന് പേരിട്ടിരിക്കുന്ന പ്രദർശനം ജൂലൈ 9, 10, 11 (വ്യാഴം, വെള്ളി, ശനി) തീയതികളിലാണ് സ്കൂളിൽ നടക്കുക.

​

പുരാതന നാണയങ്ങൾ, അപൂർവ ചരിത്രരേഖകൾ, പുരാവസ്തുക്കൾ, പൈതൃകവുമായി ബന്ധപ്പെട്ട വൈവിധ്യമാർന്ന ശേഖരങ്ങൾ എന്നിവയാണ് പ്രദർശനത്തിൽ ഒരുക്കിയിരിക്കുന്നത്.

വിദ്യാർത്ഥികൾക്കും അധ്യാപകർക്കും പൊതുജനങ്ങൾക്കും ഒരുപോലെ വിജ്ഞാനപ്രദമായ രീതിയിലാണ് മൂന്ന് ദിവസത്തെ ഈ പരിപാടി വിഭാവനം ചെയ്തിരിക്കുന്നത്.

​

കാലിക്കറ്റ് ന്യൂമിസ്മാറ്റിക് സൊസൈറ്റി, ആർക്കിയോളജി ആൻഡ് ഹെറിറ്റേജ് അസോസിയേഷൻ കോഴിക്കോട്, ചാലപ്പുറം രക്ഷാസമിതി എന്നിവയുടെ സഹകരണത്തോടെയാണ് സ്കൂൾ അധികൃതർ ഈ ചരിത്ര പ്രദർശനം സംഘടിപ്പിക്കുന്നത്. പ്രദർശനം കാണാൻ താല്പര്യമുള്ള പൊതുജനങ്ങൾക്കും സ്കൂളുകളിലെ വിദ്യാർത്ഥികൾക്കും പ്രവേശനം ഉണ്ടായിരിക്കുമെന്ന് ഭാരവാഹികൾ അറിയിച്ചു.