പാലോത്ത് - അരേറ്റും പറമ്പ് - ബംഗ്ലാവിൽ റോഡ് കോൺക്രീറ്റിംഗ് പൂർത്തിയായി; ഉദ്ഘാടനം നിർവ്വഹിച്ചു ​

പാലോത്ത് - അരേറ്റും പറമ്പ് - ബംഗ്ലാവിൽ റോഡ് കോൺക്രീറ്റിംഗ് പൂർത്തിയായി; ഉദ്ഘാടനം നിർവ്വഹിച്ചു

​

ചാത്തമംഗലം: ചാത്തമംഗലം ഗ്രാമപഞ്ചായത്തിലെ 13-ാം വാർഡിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത പാലോത്ത്- അരേറ്റും പറമ്പ് - ബംഗ്ലാവിൽ റോഡ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എം.കെ. നദീറയാണ് റോഡിന്റെ ഉദ്ഘാടനം നിർവ്വഹിച്ചത്.

​ചടങ്ങിൽ വാർഡ് മെമ്പർ സുബൈദ അയ്യപ്പൻ കുളങ്ങര അധ്യക്ഷത വഹിച്ചു. നാടിന്റെ യാത്രാദുരിതത്തിന് പരിഹാരമാകുന്ന രീതിയിലാണ് തൊഴിലുറപ്പ് പദ്ധതിയിലൂടെ റോഡ് നിർമ്മാണം പൂർത്തിയാക്കിയത്.

​മുൻ മെമ്പർ ശിവദാസൻ ബംഗ്ലാവിൽ, റസാഖ് മാസ്റ്റർ, ഉമ്മർ വെള്ളലശ്ശേരി, പ്രൊഫ. അഹമ്മദ് സി.കെ, ഗോപാലൻ പി.കെ, സുബ്രഹ്മണ്യൻ സി.കെ, മനോജ് എന്നിവർ ചടങ്ങിൽ സംസാരിച്ചു. പ്രദേശവാസികളും ജനപ്രതിനിധികളും പങ്കെടുത്ത ചടങ്ങിൽ പദ്ധതി പൂർത്തീകരണത്തിൽ സന്തോഷം പങ്കുവെച്ചു.