പ്രവാസികളോടുള്ള അവഗണന: കേരള പ്രവാസി സംഘം മാവൂരിൽ പ്രതിഷേധ മാർച്ച് നടത്തി

പ്രവാസികളോടുള്ള അവഗണന: കേരള പ്രവാസി സംഘം മാവൂരിൽ പ്രതിഷേധ മാർച്ച് നടത്തി

​

മാവൂർ: കേരള ഗവൺമെന്റ് പ്രവാസികളെ പൂർണ്ണമായി അവഗണിച്ചതിൽ പ്രതിഷേധിച്ച് കേരള പ്രവാസി സംഘം കുന്നമംഗലം ഏരിയ കമ്മിറ്റിയുടെ നേതൃത്വത്തിൽ മാവൂർ അങ്ങാടിയിൽ പ്രതിഷേധ മാർച്ചും ധർണ്ണയും സംഘടിപ്പിച്ചു. സംസ്ഥാന ബഡ്ജറ്റിൽ പ്രവാസി ക്ഷേമത്തിനായുള്ള അവഗണനക്കെതിരെയായിരുന്നു സംഘടനയുടെ പ്രതിഷേധം.

​പ്രതിഷേധ ധർണ്ണ കേരള പ്രവാസി സംഘം ജില്ലാ ജോയിന്റ് സെക്രട്ടറി പി. രവീന്ദ്രൻ ഉദ്ഘാടനം ചെയ്തു. പ്രവാസികളുടെ ന്യായമായ ആവശ്യങ്ങളെയും ക്ഷേമപദ്ധതികളെയും സർക്കാർ പാടേ അവഗണിക്കുകയാണെന്ന് അദ്ദേഹം കുറ്റപ്പെടുത്തി.

​ഏരിയ പ്രസിഡന്റ് വിച്ചാവ ചടങ്ങിൽ അധ്യക്ഷത വഹിച്ചു. ഏരിയ സെക്രട്ടറി സതീഷ് വി.ജെ സ്വാഗതവും, ഏരിയ ട്രഷറർ റഷീദ് പാലാട്ടുമ്മൽ നന്ദിയും രേഖപ്പെടുത്തി.

​മാവൂർ അങ്ങാടിയിൽ നടന്ന പ്രതിഷേധ മാർച്ചിന് പ്രവാസി സംഘം നേതാക്കളായ പി. സന്തോഷ് കുമാർ, രാജേന്ദ്രൻ, അസീസ് കുറ്റിക്കാട്ടൂർ, സുനിൽകുമാർ, അഭിലാഷ് കെ.സി, ഗോപിനാഥൻ, മുരളി പി. ബാവ, സന്തോഷ് വി. തുടങ്ങിയവർ നേതൃത്വം നൽകി. വൻപക പങ്കാളിത്തത്തോടെയായിരുന്നു മാർച്ച് അരങ്ങേറിയത്.