മബ്ദത്ത് ഫൗണ്ടേഷൻ തഹ്‌ഫീളുൽ ഖുർആൻ കോളേജിൽ വായനാവാരാചരണം സംഘടിപ്പിച്ചു

മബ്ദത്ത് ഫൗണ്ടേഷൻ തഹ്‌ഫീളുൽ ഖുർആൻ കോളേജിൽ വായനാവാരാചരണം സംഘടിപ്പിച്ചു

​

കല്ലമ്പലം: വായനാദിനത്തോടനുബന്ധിച്ച് കല്ലമ്പലം മബ്ദത്ത് ഫൗണ്ടേഷൻ തഹ്‌ഫീളുൽ ഖുർആൻ കോളേജിൽ വൈവിധ്യമാർന്ന പരിപാടികളോടെ വായനാവാരാചരണം സംഘടിപ്പിച്ചു.

പരിപാടിയുടെ ഔദ്യോഗിക ഉദ്ഘാടനം പ്രമുഖ കവി ഓരനെല്ലൂർ ബാബു നിർവ്വഹിച്ചു.

​ചടങ്ങിൽ കോളേജ് പ്രിൻസിപ്പൽ നസിമുദീൻ അൽ ഫാളിലി അധ്യക്ഷത വഹിച്ചു. Dr. അബ്ദുൽ സലാം നിസ്സാമി, ഉസ്താദുമാരായ ഷാഹിൻ തൊളിക്കോട്, റഫീഖ് സഖാഫി വല്ലാപ്പുഴ എന്നിവർ ചടങ്ങിൽ സംബന്ധിച്ച് വായനയുടെ പ്രാധാന്യത്തെക്കുറിച്ച് സംസാരിച്ചു.

​

വായനാവാരത്തോടനുബന്ധിച്ച് കോളേജ് ലൈബ്രറിയിലേക്ക് കവി ഓരനെല്ലൂർ ബാബു രചിച്ച 'നാവായിക്കുളത്തിന്റെ ഇതിഹാസം' എന്ന പുസ്തകം അദ്ദേഹം പ്രിൻസിപ്പലിന് കൈമാറി. കോളേജിലെ അധ്യാപകരും വിദ്യാർത്ഥികളും ഉൾപ്പെടെ നിരവധിപേർ ചടങ്ങിൽ പങ്കെടുത്തു.