രക്തദാനത്തിൽ മാതൃകയായി പിതാവും മകളും; സുമനസ്സുകളുടെ കൈയടി നേടി മുഹമ്മദ് യൂനുസും സാനിയയും

രക്തദാനത്തിൽ മാതൃകയായി പിതാവും മകളും; സുമനസ്സുകളുടെ കൈയടി നേടി മുഹമ്മദ് യൂനുസും സാനിയയും

​

ആയഞ്ചേരി: സ്നേഹത്തിന്റെയും കരുതലിന്റെയും ഉദാത്തമായ മാതൃക തീർത്ത് ഒരു പിതാവും മകളും. ഇന്നലെ ആയഞ്ചേരി റഹ്മാനിയ സ്കൂളിൽ നടന്ന രക്തദാന ക്യാമ്പിലാണ് ആനാണ്ടി മുഹമ്മദ് യൂനുസും മകൾ സാനിയയും ഒന്നിച്ച് രക്തം നൽകി നാടിന് മാതൃകയായത്.

​

ലൈബ്രറി കൗൺസിലിന്റെ ആഭിമുഖ്യത്തിൽ കോഴിക്കോട് ഗവ. വുമൺ ആൻഡ് ചിൽഡ്രൻ (W&C) ഹോസ്പിറ്റലിന്റെ സഹകരണത്തോടെയാണ് ക്യാമ്പ് സംഘടിപ്പിച്ചത്. ജീവൻ രക്ഷിക്കാനുള്ള ഈ മഹത്തായ കർമ്മത്തിൽ പങ്കാളികളാകാൻ ഇരുവരും മുന്നോട്ടുവന്നത് ക്യാമ്പിലെത്തിയവർക്ക് വലിയ ആവേശമായി.

​

രക്തദാനം നൽകുന്നതിലൂടെ സമൂഹത്തിന് വലിയൊരു സന്ദേശമാണ് ഈ പിതാവും മകളും നൽകുന്നത്. സുമനസ്സുകളുടെയും ആരോഗ്യപ്രവർത്തകരുടെയും വലിയ രീതിയിലുള്ള പ്രശംസയാണ് മുഹമ്മദ് യൂനുസിനും സാനിയയ്ക്കും ലഭിച്ചുകൊണ്ടിരിക്കുന്നത്.