​സാംസ്കാരിക അധിനിവേശം അപകടകരം: കേരള മുസ്ലിം ഉമ്മത്ത് പ്രതിരോധത്തിന്റെ മാതൃകയെന്ന് സെമിനാർ ​

​സാംസ്കാരിക അധിനിവേശം അപകടകരം: കേരള മുസ്ലിം ഉമ്മത്ത് പ്രതിരോധത്തിന്റെ മാതൃകയെന്ന് സെമിനാർ

​

പുവ്വാട്ട് പറമ്പ്: വിദേശാധിപത്യങ്ങളെ ചെറുത്തുതോൽപ്പിച്ച സമുജ്ജ്വലമായ ചരിത്രമുള്ള കേരള മുസ്ലിം ഉമ്മത്ത്, സാംസ്കാരിക അധിനിവേശങ്ങളെയും ശക്തമായി പ്രതിരോധിച്ചിട്ടുണ്ടെന്ന് സെമിനാർ അഭിപ്രായപ്പെട്ടു. ബാഫക്കിതങ്ങൾ സ്നേഹഭവൻ സമർപ്പണത്തോടനുബന്ധിച്ച് സംഘടിപ്പിച്ച “കേരള മുസ്ലിം ഉമ്മത് – അര സഹസ്രാബ്ദം സാംസ്കാരിക അധിനിവേശ പ്രതിരോധം” എന്ന പ്രമേയത്തിലുള്ള സെമിനാറിലാണ് ഈ നിരീക്ഷണം ഉയർന്നുവന്നത്.

​ഡച്ച്, പോർച്ചുഗീസ്, ഫ്രഞ്ച്, ബ്രിട്ടീഷ് അധിനിവേശങ്ങൾക്കെതിരെ കേരളം നടത്തിയ പോരാട്ടങ്ങൾ സാംസ്കാരിക പ്രതിരോധത്തിന്റെ കൂടി അടയാളങ്ങളാണ്. സൈനുദ്ധീൻ മഖ്ദൂം, മമ്പുറം തങ്ങൾ, ഉമർ ഖാളി തുടങ്ങിയ പണ്ഡിതശ്രേഷ്ഠരുടെ ചരിത്ര പാരമ്പര്യം ഇത്തരം അധിനിവേശങ്ങൾക്കെതിരെ ശക്തമായ സന്ദേശമാണ് നൽകുന്നതെന്ന് സെമിനാർ ചൂണ്ടിക്കാട്ടി.

​

​ഉദ്ഘാടനം: പ്രമുഖ എഴുത്തുകാരൻ പി.കെ. പാറക്കടവ് നിർവഹിച്ചു.

​അധ്യക്ഷൻ: കരിപ്പാൽ അബ്ദുറഹ്‌മാൻ.

​വിഷയാവതരണം: ഡോ. ഹുസൈൻ രണ്ടത്താണി.

​സെമിനാറിൽ ടി.പി. ചെറുപ്പ, അലിയാർ ഖാസിമി, പ്രഫസർ ഓമാനൂർ മുഹമ്മദ്, സയ്യിദ് ഹാശിം അൽ ഹദ്ദാദ്, ഡോ. ഖാസിമുൽ ഖാസിമി, അബ്ദുശ്ശുകൂർ അൽ ഖാസിമി, റശീദ എന്നിവർ വിവിധ വശങ്ങളെ അധികരിച്ച് ചർച്ചയിൽ പങ്കെടുത്തു. സാബിർ തൗഹീദി ഖാസിമി സ്വാഗതവും അഹമ്മദ് തൗഹീദി സഖാഫി നന്ദിയും രേഖപ്പെടുത്തി.