പെരുവയൽ പഞ്ചായത്ത് എട്ടാം വാർഡ് തെരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം:

പെരുവയൽ പഞ്ചായത്ത് എട്ടാം വാർഡ് തെരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം:

പെരുവയൽ: പെരുവയൽ ഗ്രാമപഞ്ചായത്തിലെ എട്ടാം വാർഡ് യു.ഡി.എഫ്. തെരഞ്ഞെടുപ്പ് കമ്മിറ്റി ഓഫീസ് മുസ്ലിംലീഗ് പ്രസിഡണ്ട് കെ. മൂസ മൗലവി ഉദ്ഘാടനം ചെയ്തു. 

കുന്നമംഗലം നിയോജകമണ്ഡലത്തിൽ ഉൾപ്പെടുന്ന ഈ വാർഡിലെ പ്രചാരണ പ്രവർത്തനങ്ങൾ ഏകോപിപ്പിക്കുന്നതിനായാണ് ഓഫീസ് തുറന്നത്.

ഒട്ടേറെ യു.ഡി.എഫ്. അനുഭാവികളും രാഷ്ട്രീയ പ്രവർത്തകരും പങ്കെടുത്ത ചടങ്ങിൽ, നെച്ചിൽ തൊടികയിൽ ഹംസ, വിനോദ് ഇളവന, അനീസ് അരീക്കൻ, ഉനൈസ് അരീക്കൽ എന്നിവർ സന്നിഹിതരായിരുന്നു.

എട്ടാം വാർഡിൽ മത്സരിക്കുന്ന യു.ഡി.എഫ്. സ്ഥാനാർത്ഥിയായ സുബിത തോട്ടാഞ്ചേരിക്ക് ചടങ്ങിൽ പങ്കെടുക്കാൻ സാധിച്ചില്ല. വളരെ അത്യാവശ്യമായ ഒരു കുടുംബ സംഗമത്തിൽ പങ്കെടുക്കേണ്ടതിനാലാണ് സ്ഥാനാർത്ഥിക്ക് ഉദ്ഘാടന ചടങ്ങിൽ എത്താൻ കഴിയാതിരുന്നത്. സുബിത തോട്ടാഞ്ചേരിയുടെ അഭാവത്തിലും പ്രവർത്തകരുടെ ആവേശം കെടാതെ പരിപാടികൾ ഭംഗിയായി സംഘടിപ്പിക്കാൻ കമ്മിറ്റിക്ക് സാധിച്ചു.