പെരുമണ്ണ പഞ്ചായത്തിൽ ആവേശത്തിരയിളക്കി എൽ.ഡി.എഫ്. തിരഞ്ഞെടുപ്പ് റാലി; വി. വസീഫ് ഉദ്ഘാടനം ചെയ്തു

പെരുമണ്ണ പഞ്ചായത്തിൽ ആവേശത്തിരയിളക്കി എൽ.ഡി.എഫ്. തിരഞ്ഞെടുപ്പ് റാലി; വി. വസീഫ് ഉദ്ഘാടനം ചെയ്തു

​

പെരുമണ്ണ: പെരുമണ്ണ പഞ്ചായത്ത് തിരഞ്ഞെടുപ്പുമായി ബന്ധപ്പെട്ട് എൽ.ഡി.എഫ്. നടത്തിയ റാലിയിൽ വൻ ജനപങ്കാളിത്തം. പുത്തൂമഠം അങ്ങാടിയിൽ നിന്നാണ് റാലി ആരംഭിച്ചത്. നാസിക് ഡോളിന്റെ അകമ്പടിയോടെ നൂറുകണക്കിന് പ്രവർത്തകർ അണിനിരന്ന പ്രകടനത്തോടെ റാലിക്ക് ആവേശോജ്ജ്വലമായ തുടക്കമായി.

​

സി.പി.ഐ. (എം) സംസ്ഥാന കമ്മിറ്റി അംഗം സ. വി. വസീഫ് റാലി ഔപചാരികമായി ഉദ്ഘാടനം ചെയ്തു. പഞ്ചായത്ത് തിരഞ്ഞെടുപ്പ് കമ്മിറ്റി സെക്രട്ടറി സി. സുന്ദരൻ ചടങ്ങിൽ അധ്യക്ഷത വഹിച്ചു.

​റാലിയെ അഭിസംബോധന ചെയ്ത് പി.ടി.എ. റഹീം എം.എൽ.എ, അബ്ദുൽ നാസർ മാസ്റ്റർ, കെ.കെ. സലീം, ഒ. പ്രകാശൻ, ഷാജി പുത്തലത്തു, കെ. അബിജേഷ് എന്നിവർ സംസാരിച്ചു. പഞ്ചായത്ത് തിരഞ്ഞെടുപ്പ് കമ്മിറ്റി സെക്രട്ടറി വി.പി. രവീന്ദ്രൻ സ്വാഗതവും എം.എ. ഗോപാലകൃഷ്ണൻ നന്ദിയും പ്രകാശിപ്പിച്ചു.

​വരുന്ന പഞ്ചായത്ത് തിരഞ്ഞെടുപ്പിൽ എൽ.ഡി.എഫ് സ്ഥാനാർത്ഥികൾക്ക് മികച്ച വിജയം ഉറപ്പാക്കാൻ ലക്ഷ്യമിട്ടാണ് റാലി സംഘടിപ്പിച്ചത്.

​