മുസ്ലിം യൂത്ത്ലീഗിന്റെ വോട്ടർ പട്ടിക ഹെൽപ് ഡെസ്ക്: പെരുവയലിൽ വൻ ജനപങ്കാളിത്തം

മുസ്ലിം യൂത്ത്ലീഗിന്റെ വോട്ടർ പട്ടിക ഹെൽപ് ഡെസ്ക്: പെരുവയലിൽ വൻ ജനപങ്കാളിത്തം

പെരുവയൽ: വോട്ടർ പട്ടികയിൽ പേര് ചേർക്കുന്നതിനും വിവരങ്ങൾ തിരുത്തുന്നതിനുമായി മുസ്ലിം യൂത്ത് ലീഗ് പെരുവയൽ ടൗൺ കമ്മിറ്റി സംഘടിപ്പിച്ച സൗജന്യ ഹെൽപ് ഡെസ്കിന് വൻ ജനപങ്കാളിത്തം. പ്രദേശവാസികൾക്ക് വലിയ ആശ്വാസമേകിയ ഈ സംരംഭം, വോട്ടർമാർക്ക് നടപടിക്രമങ്ങൾ എളുപ്പത്തിലാക്കി.

പെരുവയൽ മുസ്ലിംലീഗ് ഓഫീസിനോട് ചേർന്നാണ് ഹെൽപ് ഡെസ്ക് പ്രവർത്തിച്ചത്.

ഞായറാഴ്ച രാവിലെ 9 മണിക്ക് ആരംഭിച്ച സേവനം ഉച്ചയ്ക്ക് 1 മണി വരെ നീണ്ടു. വോട്ടർ പട്ടികയുമായി ബന്ധപ്പെട്ട സംശയങ്ങൾ തീർക്കാനും പുതിയ അപേക്ഷകൾ നൽകാനും രാവിലെ തന്നെ ഇവിടെ നല്ല തിരക്ക് അനുഭവപ്പെട്ടു.

അപേക്ഷകർ ആധാർ കാർഡ്, വോട്ടർ ഐ.ഡി. കാർഡ്, മാതാവ്, പിതാവ്, പങ്കാളി എന്നിവരുടെ വോട്ടർ ഐ.ഡി. തുടങ്ങിയ രേഖകൾ കൊണ്ടുവരികയും ഹെൽപ് ഡെസ്കിലെ വളണ്ടിയർമാരുടെ സഹായത്തോടെ അപേക്ഷകൾ പൂരിപ്പിച്ച് നൽകുകയും ചെയ്തു.

നെച്ചിൽ തൊടികയിൽ ഹംസ, അനിസ് അരിക്കൽ, പി.കെ. മുനീർ, ഫർഷാദ് പെരുവയൽ, റിഫാന, സിഫാന തുടങ്ങിയവരുടെ നേതൃത്വത്തിലാണ് യൂത്ത് ലീഗിന്റെ ഈ ജനസേവന പ്രവർത്തനം ഏകോപിപ്പിച്ചത്. വോട്ടർമാർക്ക് ഏറ്റവും എളുപ്പത്തിൽ നടപടിക്രമങ്ങൾ പൂർത്തിയാക്കാൻ അവസരം ഒരുക്കിയ ഈ ഉദ്യമം, ഏറെ പ്രശംസ നേടി.