രക്തദാന സേവനത്തിന് ഹോപ്പ് ബ്ലഡ്‌ ഡോണേഴ്‌സ് ഗ്രൂപ്പിന് MVR കാൻസർ സെന്ററിന്റെ ആദരം

രക്തദാന സേവനത്തിന് ഹോപ്പ് ബ്ലഡ്‌ ഡോണേഴ്‌സ് ഗ്രൂപ്പിന് MVR കാൻസർ സെന്ററിന്റെ ആദരം

കോഴിക്കോട്: രക്തദാന രംഗത്ത് സ്തുത്യർഹമായ സേവനങ്ങൾ നൽകിയ ഹോപ്പ് ബ്ലഡ്‌ ഡോണേഴ്‌സ് ഗ്രൂപ്പിനെ ആദരിച്ച് MVR കാൻസർ സെന്റർ. കോഴിക്കോട് ജില്ലാ ബ്ലഡ് ട്രാൻസ്ഫ്യൂഷൻ നോഡൽ ഓഫീസർ ഡോ. അർച്ചന രാജനാണ് ഹോപ്പിനുള്ള ആദരം കൈമാറിയത്.

ഹോപ്പിന്റെ ഭാരവാഹികളായ നാസർ മാഷ് ആയഞ്ചേരി, ഷക്കീർ പെരുവയൽ, ഗിരീഷ്ബാബു ശാരദമന്ദിരം, നൗഷാദ് ബേപ്പൂർ, ഷംസുദ്ദീൻ മുറമ്പാത്തി, ജാബിർ കുറ്റിച്ചിറ, യൂസുഫ് പുന്നക്കൽ, ഷറീജ ഒളവണ്ണ, ശ്രീജിത്ത് തൊണ്ടയാട്, ഷഫീഖ് വെള്ളിപറമ്പ് തുടങ്ങിയവർ ചേർന്ന് പുരസ്കാരം ഏറ്റുവാങ്ങി.

ദീർഘകാലമായി രക്തദാന പ്രവർത്തനങ്ങളിൽ സജീവമായി ഇടപെടുന്ന സംഘടനയാണ് ഹോപ്പ് ബ്ലഡ്‌ ഡോണേഴ്‌സ് ഗ്രൂപ്പ്. അർഹതപ്പെട്ടവർക്ക് കൃത്യസമയത്ത് രക്തം എത്തിച്ച് നിരവധി ജീവനുകൾ രക്ഷിക്കാൻ ഇവർക്ക് കഴിഞ്ഞിട്ടുണ്ട്. ഈ സേവനങ്ങളെ മാനിച്ചാണ് MVR കാൻസർ സെന്റർ ഇവരെ ആദരിച്ചത്.