പ്രദീപ് മൂടാടി എഴുതിയ ആഴ്ച കാഴ്ചകൾ എന്ന കവിതയിൽനിന്നും

ആഴ്ച കാഴ്ചകൾ

കവിത

രചന : പ്രദീപ് മൂടാടി

പ്രദീപ് മൂടാടി

പുഞ്ചിരി വിതറി നിൽക്കുന്ന തിങ്കളിനോട്

ചൊവ്വ തൻ്റെ പരിഭവങ്ങളുടെ

ചപ്പ് ചവറുകൾ

കുടഞ്ഞിട്ട് കരയുന്നു.

നിസ്സംഗതയുടെ പർദ്ദയണിഞ്ഞ്

ബുധനിരിക്കുന്നു!

വ്യാഴം

തൻ്റെ കണക്കിലെ

എളുപ്പവഴികൾ

വെള്ളിയ്ക്ക്

ഉച്ചയ്ക്ക് മുമ്പേ

പകർന്ന് കൊടുക്കുന്നു.

ദു:ഖത്തിൻ്റെ ദിവസമായി

തന്നെ പെടുത്തിയദേഷ്യം

വെള്ളിപറയാതെ

വിഴുങ്ങുന്നു.

എല്ലാവരോടുള്ള വിഷമം കരഞ്ഞും, പ്രാർത്ഥിച്ചും

ശനിയത് തീർക്കുമ്പോൾ

ഞായറിൻ്റെ കണ്ണുകളോടിയത്

പണിയിലൊഴിവു- കണ്ടെത്തിയവരുടെ

ലീലാവിലാസങ്ങളിലേക്കായിരുന്നു ....

ആഴ്ച കാഴ്ചകളങ്ങനെ

വന്നും 'പോയുമിരിക്കട്ടെ ....

രചന : പ്രദീപ് മൂടാടി

𝚃𝚁𝚄𝙴 𝙻𝙸𝚅𝙴 𝙾𝙽𝙻𝙸𝙽𝙴 𝙼𝙴𝙳𝙸𝙰