വിജയാരവം 2025 സംഘടിപ്പിച്ചു

ഇ എം എസ് ജി എച്ച് എസ് എസ് പെരുമണ്ണയിൽ വിജയാരവം 2025 സംഘടിപ്പിച്ചു

പെരുമണ്ണ: ഇ എം എസ് ജി എച്ച് എസ് എസ് പെരുമണ്ണയിൽ 2025-ലെ എസ്.എസ്.എൽ.സി, പ്ലസ് ടു, കായിക മേഖലകളിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന "വിജയാരവം 2025" സംഘടിപ്പിച്ചു. എം.എൽ.എയുടെ ആസ്തി വികസന ഫണ്ടിൽ നിന്നും സ്കൂളിന് അനുവദിച്ച ലാപ്ടോപ്പ് കൈമാറ്റവും ഇതോടൊപ്പം നടന്നു.

പി.ടി.എ പ്രസിഡണ്ട് കെ.കെ. ഷാജുവിന്റെ അധ്യക്ഷതയിൽ നടന്ന ചടങ്ങിൽ അഡ്വ: പി.ടി.എ റഹീം എം.എൽ.എ ലാപ്ടോപ്പ് കൈമാറുകയും ഉന്നത വിജയികളെ അനുമോദിക്കുകയും ചെയ്തു.

പരിപാടിയിൽ ജില്ലാ പഞ്ചായത്ത് മെമ്പർ രാജീവ് പെരുമൺ പുറ, വാർഡ് മെമ്പർ കെ. ഷമീർ, എം.പി.ടി.എ പ്രസിഡണ്ട് ബബിത, മുൻ പി.ടി.എ പ്രസിഡണ്ട് രാമകൃഷ്ണൻ മല്ലിശ്ശേരി എന്നിവർ സംസാരിച്ചു. പ്രിൻസിപ്പൽ ഇൻ ചാർജ് അനീഷ് കുമാർ സ്വാഗതവും ഹെഡ് മാസ്റ്റർ ശ്യാംജിത്ത് നന്ദിയും പറഞ്ഞു.