ഹോപ്പ് ബ്ലഡ് ഡോണേഴ്സ് ഗ്രൂപ്പിന് വീണ്ടും ആദരം

ഹോപ്പ് ബ്ലഡ് ഡോണേഴ്സ് ഗ്രൂപ്പിന് വീണ്ടും ആദരം

കോഴിക്കോട്:

രക്തദാന മേഖലയിലെ സ്തുത്യർഹമായ സേവനങ്ങൾക്ക് ഹോപ്പ് ബ്ലഡ് ഡോണേഴ്സ് ഗ്രൂപ്പിനെ കോഴിക്കോട് ഗവ. സ്ത്രീകളുടെയും കുട്ടികളുടെയും ആശുപത്രി ലോക രക്തദാതാദിന പരിപാടിയോടനുബന്ധിച്ച് ആദരിച്ചു.

ഹോസ്പിറ്റൽ ഓഡിറ്റോറിയത്തിൽ നടന്ന ചടങ്ങിൽ, ജില്ലാ മെഡിക്കൽ ഓഫീസർ ഡോ. വി.പി. രാജേഷിൽ നിന്ന് ഹോപ്പ് ഭാരവാഹികൾ ആദരം ഏറ്റുവാങ്ങി.

രോഗികൾക്ക് രക്തം ആവശ്യമുള്ള ഏത് സമയത്തും, എത്ര ദൂരെയാണെങ്കിലും ഓടിയെത്തി രക്തം നൽകുന്ന ഹോപ്പിന്റെ പ്രിയപ്പെട്ട രക്തദാതാക്കൾക്ക് ഈ ആദരം സമർപ്പിക്കുന്നുവെന്ന് ഭാരവാഹികൾ അറിയിച്ചു. നിരവധി ജീവനുകൾ രക്ഷിക്കാൻ ഹോപ്പ് ബ്ലഡ് ഡോണേഴ്സ് ഗ്രൂപ്പിന്റെ നിസ്വാർത്ഥ സേവനം സഹായകമായിട്ടുണ്ട്.