ബോധവൽകരണ ക്ലാസ് നടത്തി

ബോധവൽകരണക്ലാസ് നടത്തി

കേരള മദ്രസ്സാദ്ധ്യാപക ക്ഷേമനിധി ബോർഡ് കേരള സംസ്ഥാന ന്യൂനപക്ഷ ധനകാര്യ കോർപ്പ് റേഷൻ മുഖേന മദ്രസ്സാദ്ധ്യാപകർക്ക് നൽകുന്ന പലിശരഹിത ഭവന വായ്പക്കുള്ള രേഖകൾ സമർപ്പിക്കുന്നത് സംബന്ധിച്ച് ബോധവൽകരണക്ലാസ് സംഘടിപ്പിച്ചു. മലപ്പുറം ജില്ലാ പഞ്ചായത്ത് ഹാളിൽ ജില്ലാ പഞ്ചായത്ത് പ്രസിഡണ്ട് എം കെ റഫീഖ ഉദ്ഘാടനം ചെയ്തു. ഇ യാകൂബ് ഫൈസി അധ്യക്ഷനായിരുന്നു. പി കെ മുഹമ്മദ് ഹാജി. സിദ്ദീഖ് മൗലവി അയിലക്കാട്, ക്ഷേമനിധി മുൻ സി ഇ ഒ ഹമീദ് പി.എം. സംസാരിച്ചു. ധനകാര്യ കോർപ്പറേഷൻ ഡെപ്യൂട്ടി മാനേജർമാരായ എം കെ ഷംസു ,മരിയ ജ്യോതി എന്നിവർ ക്ലാസെടുത്തു.

അഞ്ചു ലക്ഷം രൂപയാണ് വായ്പയായി നൽകുന്നത്. നേരത്തെ രണ്ടര ലക്ഷം രൂപയായിരുന്നു. ഫിബ്രവരി ഒന്നിലെ ഉത്തരവിലൂടെയാണ്സർക്കാർ തുക 5 ലക്ഷമാക്കി വർദ്ധിപ്പിച്ചത്. 120 മാസം കൊണ്ടാണ് വായ്പാ തുക അടച്ചുതീർക്കേണ്ടത്. നടപ്പു സാമ്പത്തിക വർഷം 226 പേർക്കാണ് വായ്പ നൽകുക..