ഡൽഹി ആസ്ഥാനമായ മനുഷ്യാവകാശ സേനയുടെ തൃശ്ശൂർ ജില്ലാ മെമ്പേഴ്സ് മീറ്റിംഗ് ശ്രദ്ധേയമായി

ഡൽഹി ആസ്ഥാനമായ മനുഷ്യാവകാശ സേനയുടെ തൃശ്ശൂർ ജില്ലാ മെമ്പേഴ്സ് മീറ്റിംഗ് ശ്രദ്ധേയമായി

തൃശ്ശൂർ: ഡൽഹി ആസ്ഥാനമായി പ്രവർത്തിക്കുന്ന മനുഷ്യാവകാശ സേനയുടെ തൃശ്ശൂർ ജില്ലാ മെമ്പേഴ്സ് മീറ്റിംഗ് ഇന്നലെ (2025 മെയ് 15) തൃശ്ശൂരിൽ വെച്ച് നടന്നു. ദേശീയ സംസ്ഥാന ഭാരവാഹികളുടെ സാന്നിധ്യം കൊണ്ട് ശ്രദ്ധേയമായ യോഗത്തിൽ ജില്ലയിലെ നിരവധി അംഗങ്ങൾ പങ്കെടുത്തു.

സംസ്ഥാന വനിതാ പ്രസിഡന്റ് വനജയുടെ നേതൃത്വത്തിലായിരുന്നു യോഗം. ജില്ലയിലെ നിലവിലെ മനുഷ്യാവകാശ പ്രശ്നങ്ങളെക്കുറിച്ചും സംഘടനയുടെ പ്രവർത്തനങ്ങളെക്കുറിച്ചും വിശദമായ ചർച്ചകൾ നടന്നു.

ജില്ലയിൽ അടിയന്തിരമായി പ്രാവർത്തികമാക്കേണ്ട വിവിധ വിഷയങ്ങളെക്കുറിച്ച് യോഗം ഗൗരവമായി ചർച്ച ചെയ്യുകയും സുപ്രധാന തീരുമാനങ്ങൾ കൈക്കൊള്ളുകയും ചെയ്തു.

പ്രത്യേകിച്ചും, വർഷങ്ങളായി നീതി കിട്ടാത്തവർക്ക് നീതി വാങ്ങിക്കൊടുക്കുവാൻ മനുഷ്യാവകാശ സേന മുന്നോട്ടുവരികയും തീർപ്പാകാതെ കിടക്കുന്ന കേസുകൾ ഊർജ്ജിതമായി പരിഗണിച്ച് എത്രയും പെട്ടെന്ന് തീർപ്പ് കൽപ്പിക്കാൻ യോഗം തീരുമാനമെടുത്തു.

ഇത് നീതി ലഭിക്കാതെ കാത്തിരിക്കുന്നവർക്ക് വലിയ ആശ്വാസമാകും.

കൂടാതെ ജില്ലയിലെ സ്കൂളുകൾ കേന്ദ്രീകരിച്ച് ലഹരി നിർമാർജന പ്രവർത്തനങ്ങളുമായി മുന്നോട്ടു പോകുവാനും തീരുമാനിച്ചു.

ചടങ്ങിൽ സംസ്ഥാന ദേശീയ ഭാരവാഹികളെ ആദരിക്കുന്ന ഒരു ചടങ്ങും സംഘടിപ്പിച്ചിരുന്നു. അവരുടെ വിലയേറിയ സേവനങ്ങളെയും മാർഗ്ഗനിർദ്ദേശങ്ങളെയും യോഗം പ്രശംസിച്ചു.

ഈ മീറ്റിംഗ് ജില്ലയിലെ മനുഷ്യാവകാശ പ്രവർത്തനങ്ങൾക്ക് കൂടുതൽ കരുത്ത് പകരുമെന്നും നീതി നിഷേധിക്കപ്പെടുന്നവർക്ക് ആശ്രയമാകുമെന്നും സംസ്ഥാന ഭാരവാഹികൾ അഭിപ്രായപ്പെട്ടു. വരും ദിവസങ്ങളിൽ സംഘടനയുടെ പ്രവർത്തനം കൂടുതൽ ശക്തമായി മുന്നോട്ട് പോകുമെന്നും അവർ അറിയിച്ചു.

തൃശ്ശൂർ ജില്ലാ ഡയറക്ടർ അസ്കർ സ്വാഗതം ആശംസിച്ച ചടങ്ങിൽ സ്റ്റേറ്റ് ഡയറക്ടർ മജു അധ്യക്ഷത വഹിച്ചു. നാഷണൽ എക്സിക്യൂട്ടീവ് മെമ്പർ മധുസുകുമാരൻ, ജോയിൻ ഡയറക്ടർ വീരാൻകുട്ടി, മെമ്പർമാരായ ആശ, ശ്രീരാമചന്ദ്രൻ, ജെസ്സിനി എന്നിവർ പങ്കെടുത്തു. നാഷണൽ പി ആർ ഓ മുംതാസ് നന്ദി രേഖപ്പെടുത്തി.