നാടിന്റെ സ്നേഹരാഗവുമായി ഹിന്ദുസ്ഥാൻ ഹമാര വിപുലമായ സൗകര്യങ്ങളൊരുക്കി സംഘാടകർ

നാടിന്റെ സ്നേഹരാഗവുമായി ഹിന്ദുസ്ഥാൻ ഹമാര വിപുലമായ സൗകര്യങ്ങളൊരുക്കി സംഘാടകർ

പെരുവയൽ:

നാടിന്റെ സൗഹൃദവും സ്നേഹവും ഊട്ടിയുറപ്പിക്കുന്നതിനായി 'ഹിന്ദുസ്ഥാൻ ഹമാര' എന്ന പേരിൽ രാഗമാലിക സംഘടിപ്പിക്കുന്നു. മെയ് മൂന്നിന് വൈകുന്നേരം ആറ് മണിക്ക് ആരംഭിക്കുന്ന പരിപാടിയിൽ പ്രമുഖ ഗായകർ അണിനിരക്കുന്ന മുഹബ്ബത്തിൻ പാട്ട് പന്തൽ, വിവിധ തരം ഭക്ഷണങ്ങൾ ലഭ്യമാകുന്ന ഫുഡ് ഫെസ്റ്റ്, ലഹരിക്കെതിരായ ബോധവത്കരണ പരിപാടിയായ ഹാപ്പിനസ് വിത്തൗട്ട് ഡ്രഗ്സ് എന്നിവ അരങ്ങേറും.

പരിപാടിയിൽ പങ്കെടുക്കുന്ന അതിഥികൾക്കായി വിപുലമായ സൗകര്യങ്ങളാണ് സംഘാടകർ ഒരുക്കുന്നത്. എൻട്രി പാസുള്ള 2000 പേർക്ക് ഇരിപ്പിട സൗകര്യമുണ്ടാകും. പരിപാടിയുടെ നടത്തിപ്പിനായി സംഭാവനകൾ സ്വീകരിക്കുന്നുണ്ട്. സംഭാവന നൽകുന്നവർക്കും എൻട്രി പാസ് നൽകും. സ്ത്രീകൾക്കായി പ്രത്യേക വേദി ഒരുക്കിയിട്ടുണ്ട്.

ഏപ്രിൽ 20 മുതൽ മുഹബ്ബത്തിൻ പാട്ട് പന്തൽ, ഫുഡ് ഫെസ്റ്റ്, ആൻ്റി ഡ്രഗ്സ് കാമ്പയിൻ എന്നിവ ആരംഭിക്കും. പരിപാടിയുടെ വിജയത്തിനായി സ്പോൺസർമാരെ കണ്ടെത്തും. എൻട്രി പാസുമായി ബന്ധപ്പെട്ട വിവരങ്ങൾ ഏപ്രിൽ 25-നകം ട്രഷററെ ഏൽപ്പിക്കണമെന്ന് സംഘാടകർ അറിയിച്ചു.

വാർഡ് മെമ്പർ അബ്ദുറഹ്മാൻ കരിപ്പാൽ പരിപാടിയെക്കുറിച്ച് വിശദീകരിച്ചു. പഞ്ചായത്തിലെ മുഴുവൻ വാർഡുകളിലും പരിപാടിയുടെ സന്ദേശം എത്തിക്കണമെന്ന് അദ്ദേഹം ആവശ്യപ്പെട്ടു. കൺവീനർ റഹ്മാൻ, ചെയർമാൻ ഷമീർ, പ്രദീപൻ ഇടവലത്ത്, സൈനുദ്ദീൻ എം.സി., സുബൈർ നെല്ലൂളി, അസീസ് സാറ, ടി.പി. ഷാഹുൽ ഹമീദ്, ജാബിർ പേങ്കാട്ടിൽ, ടി.ടി. ചന്ദ്രൻ എന്നിവർ പരിപാടിക്ക് ആശംസകൾ നേർന്നു.