പൂവാട്ടുപറമ്പിൽ അയാന ഓഡിറ്റോറിയത്തിന് പ്രൗഢോജ്ജ്വലമായ തുടക്കം: പാണക്കാട് ഹമീദലി ശിഹാബ് തങ്ങൾ ഉദ്ഘാടനം നിർവഹിച്ചു

പൂവാട്ടുപറമ്പിൽ അയാന ഓഡിറ്റോറിയത്തിന് പ്രൗഢോജ്ജ്വലമായ തുടക്കം:

പാണക്കാട് ഹമീദലി ശിഹാബ് തങ്ങൾ ഉദ്ഘാടനം നിർവഹിച്ചു

പൂവാട്ടുപറമ്പ:

പെരുവയൽ ഗ്രാമപഞ്ചായത്തിലെ പൂവാട്ടുപറമ്പിൽ പുതുതായി നിർമ്മിച്ച അയാന ഓഡിറ്റോറിയം നാടിന് സമർപ്പിച്ചു. പാണക്കാട് സയ്യിദ് ഹമീദലി ശിഹാബ് തങ്ങൾ ഓഡിറ്റോറിയത്തിന്റെ ഉദ്ഘാടന കർമ്മം നിർവഹിച്ചു. ചടങ്ങിൽ പെരുവയൽ ഗ്രാമപഞ്ചായത്ത് പ്രസിഡണ്ട് സുബിത തോട്ടഞ്ചേരി അധ്യക്ഷത വഹിച്ചു.

വൈസ് പ്രസിഡണ്ട് പി കെ ഷറഫുദ്ദീൻ, സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലാം, വാർഡ് മെമ്പർമാരായ കരിപ്പാൽ അബ്ദുറഹിമാൻ, ഉനൈസ് അരീക്കൽ, അനീഷ് പാലാട്ട്, കെ മൂസ മൗലവി, പ്രേംകുമാർ, ജമാലുദ്ദീൻ, നിതിൻ തുടങ്ങിയ പ്രമുഖ വ്യക്തിത്വങ്ങൾ ചടങ്ങിൽ സന്നിഹിതരായിരുന്നു.

ആധുനിക സൗകര്യങ്ങളോടുകൂടിയ ഓഡിറ്റോറിയം പൂവാട്ടുപറമ്പിന്റെ സാമൂഹികവും സാംസ്കാരികവുമായ മുന്നേറ്റത്തിന് വലിയ മുതൽക്കൂട്ടാകും എന്ന് ഉദ്ഘാടന പ്രസംഗത്തിൽ ഹമീദലി ശിഹാബ് തങ്ങൾ അഭിപ്രായപ്പെട്ടു. പഞ്ചായത്ത് പ്രസിഡണ്ടും മറ്റ് ജനപ്രതിനിധികളും ഓഡിറ്റോറിയം യാഥാർത്ഥ്യമാക്കാൻ സഹായിച്ച എല്ലാവർക്കും നന്ദി അറിയിച്ചു.