പെരുവയൽ പഞ്ചായത്ത് കേരള സർവീസ് പെൻഷൻ ലീഗ് മെമ്പർഷിപ്പ് വിതരണോദ്ഘാടനം നടന്നു

പെരുവയൽ പഞ്ചായത്ത് കേരള സർവീസ് പെൻഷൻ ലീഗ് മെമ്പർഷിപ്പ് വിതരണോദ്ഘാടനം നടന്നു

​

പെരുവയൽ: കേരള സർവീസ് പെൻഷൻ ലീഗ് (KSPL) പെരുവയൽ പഞ്ചായത്ത് കമ്മിറ്റിയുടെ മെമ്പർഷിപ്പ് വിതരണോദ്ഘാടനം പ്രൗഢമായ ചടങ്ങോടെ നിർവ്വഹിച്ചു. KSPL കോഴിക്കോട് ജില്ലാ ജനറൽ സെക്രട്ടറി സുബൈർ നെല്ലുളി ചടങ്ങ് ഉദ്ഘാടനം ചെയ്തു. കെ.എസ്.ഇ.ബി.യിൽ നിന്നും സബ് എൻജിനീയറായി വിരമിച്ച അഷ്റഫ് പാറപ്പുറായിക്ക് ആദ്യ മെമ്പർഷിപ്പ് നൽകിക്കൊണ്ടാണ് ഈ വർഷത്തെ ക്യാമ്പയിന് തുടക്കം കുറിച്ചത്.

​ചടങ്ങിൽ KSPL മണ്ഡലം പ്രസിഡന്റ് എ.വി. മൊയ്തീൻ കോയ അധ്യക്ഷത വഹിച്ചു. പെൻഷൻകാരുടെ ക്ഷേമപ്രവർത്തനങ്ങളും സംഘടനയുടെ വരാനിരിക്കുന്ന കർമ്മപരിപാടികളും ചർച്ച ചെയ്ത യോഗത്തിൽ പ്രമുഖ നേതാക്കൾ സംസാരിച്ചു.

​സമൂഹത്തിന്റെ വിവിധ മേഖലകളിൽ നിന്നുള്ള പെൻഷൻകാരുടെ സാന്നിധ്യം കൊണ്ട് ശ്രദ്ധേയമായ ചടങ്ങിൽ അബ്ദുറഹിമാൻ മാസ്റ്റർ പി.പി., എ.എം. സൈതലവി, ഉസ്മാൻ ഇ.സി. കുറ്റിക്കാട്ടൂർ, സി.വി. ഉസ്മാൻ, സീതി കുട്ടി കുറ്റിക്കാട്ടൂർ, അബൂബക്കർ എ.എം., അബ്ദുൽ ലത്തീഫ് എന്നിവർ ആശംസകൾ അർപ്പിച്ചു പ്രസംഗിച്ചു. പഞ്ചായത്തിലെ മുഴുവൻ സർവീസ് പെൻഷൻകാരെയും സംഘടനയുടെ ഭാഗമാക്കുക എന്ന ലക്ഷ്യത്തോടെയാണ് പുതിയ മെമ്പർഷിപ്പ് ക്യാമ്പയിൻ സംഘടിപ്പിച്ചിരിക്കുന്നത്.