​വിജയികളെ മൈത്രി റസിഡന്റ്സ് അസോസിയേഷൻ അനുമോദിച്ചു

​വിജയികളെ മൈത്രി റസിഡന്റ്സ് അസോസിയേഷൻ അനുമോദിച്ചു

​

മാവൂർ: എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം നേടിയവരെയും വിവിധ കലാ-കായിക മത്സരങ്ങളിൽ മികവ് തെളിയിച്ചവരെയും കണിയാത്ത് മൈത്രി റസിഡന്റ്സ് അസോസിയേഷൻ അനുമോദിച്ചു.

​പോളി ഹൗസിൽ വെച്ച് സംഘടിപ്പിച്ച അനുമോദന പരിപാടി ഗ്രാമപഞ്ചായത്ത് അംഗം ജയശ്രീ ദിവ്യപ്രകാശ് ഉദ്ഘാടനം ചെയ്തു. മൈത്രി പ്രസിഡന്റ് ബൈജു ചടങ്ങിൽ അധ്യക്ഷത വഹിച്ചു.

​പരിപാടിയോടനുബന്ധിച്ച് ചെറൂപ്പ എം.സി.എച്ച് യൂനിറ്റ് ജൂനിയർ ഹെൽത്ത് ഇൻസ്പെക്ടർ ശബാന ബീഗം ആരോഗ്യബോധവത്കരണ ക്ലാസ്സ് നയിച്ചു. അസോസിയേഷൻ സെക്രട്ടറി പി.പി. അബ്ദുൽ മജീദ് സ്വാഗതവും, ട്രഷറർ ഹനീഫ കൈതക്കൽ നന്ദിയും രേഖപ്പെടുത്തി. ചടങ്ങിൽ പ്രദേശത്തെ നിരവധി സാംസ്കാരിക പ്രവർത്തകരും നാട്ടുകാരും പങ്കെടുത്തു.