നിയുക്ത മുഖ്യമന്ത്രി വി.ഡി. സതീശന് അഭിവാദ്യം: എടവണ്ണപ്പാറയിൽ യു.ഡി.എഫ് ആഹ്ലാദപ്രകടനം നടത്തി

നിയുക്ത മുഖ്യമന്ത്രി വി.ഡി. സതീശന് അഭിവാദ്യം: എടവണ്ണപ്പാറയിൽ യു.ഡി.എഫ് ആഹ്ലാദപ്രകടനം നടത്തി

​

എടവണ്ണപ്പാറ: കേരളത്തിന്റെ നിയുക്ത മുഖ്യമന്ത്രിയായി തിരഞ്ഞെടുക്കപ്പെട്ട വി.ഡി. സതീശന് അഭിവാദ്യമർപ്പിച്ചുകൊണ്ട് യു.ഡി.എഫ് എടവണ്ണപ്പാറ പഞ്ചായത്ത് കമ്മിറ്റിയുടെ നേതൃത്വത്തിൽ ആഹ്ലാദപ്രകടനം സംഘടിപ്പിച്ചു. സതീശന്റെ നേതൃത്വത്തിൽ സംസ്ഥാനത്ത് യു.ഡി.എഫ് കരുത്തുറ്റ മുന്നേറ്റം നടത്തുമെന്ന ആത്മവിശ്വാസത്തോടെയായിരുന്നു പ്രവർത്തകരുടെ പ്രകടനം.

​

എടവണ്ണപ്പാറ ടൗണിൽ നടന്ന പരിപാടിക്ക് പ്രമുഖ യു.ഡി.എഫ് നേതാക്കളായ ജൈസൽ എളമരം, മുജീബ് മാസ്റ്റർ, സി.വി. സക്കരിയ, കരീം എളമരം, എം.കെ. നൗഷാദ് എന്നിവർ നേതൃത്വം നൽകി. പഞ്ചായത്തിലെ വിവിധ ജനപ്രതിനിധികളും യു.ഡി.എഫ് ലൈസൺ കമ്മിറ്റി അംഗങ്ങളും പ്രകടനത്തിൽ അണിനിരന്നു.

​സംസ്ഥാന രാഷ്ട്രീയത്തിൽ പുതിയൊരു മാറ്റത്തിന്റെ തുടക്കമാണിതെന്നും ജനകീയ വിഷയങ്ങളിൽ വിട്ടുവീഴ്ചയില്ലാത്ത പോരാട്ടം നയിക്കാൻ വി.ഡി. സതീശന്റെ നേതൃത്വത്തിന് സാധിക്കുമെന്നും നേതാക്കൾ ചടങ്ങിൽ സംസാരിക്കവെ വ്യക്തമാക്കി.

നൂറുകണക്കിന് പ്രവർത്തകരാണ് മുദ്രാവാക്യം വിളികളുമായി ആഹ്ലാദപ്രകടനത്തിൽ പങ്കെടുത്തത്.