തൊഴിലാളിവിരുദ്ധ ലേബർ കോഡ് കത്തിച്ച് സി.ഐ.ടി.യു പ്രതിഷേധം

തൊഴിലാളിവിരുദ്ധ ലേബർ കോഡ് കത്തിച്ച് സി.ഐ.ടി.യു പ്രതിഷേധം

​

കുന്ദമംഗലം: കേന്ദ്ര സർക്കാർ നടപ്പിലാക്കിയ തൊഴിലാളിവിരുദ്ധ ലേബർ കോഡിനെതിരെ സി.ഐ.ടി.യു (CITU) കുന്ദമംഗലം ഏരിയാ കമ്മറ്റിയുടെ നേതൃത്വത്തിൽ ശക്തമായ പ്രതിഷേധം സംഘടിപ്പിച്ചു. ലേബർ കോഡിന്റെ പകർപ്പ് കത്തിച്ചുകൊണ്ടായിരുന്നു പ്രവർത്തകരുടെ പ്രതിഷേധം.

​കുന്ദമംഗലത്ത് വച്ച് നടന്ന പ്രതിഷേധ കൂട്ടായ്മ സി.ഐ.ടി.യു ജില്ലാ ട്രഷറർ പി.കെ. സന്തോഷ് ഉദ്ഘാടനം ചെയ്തു. കേന്ദ്ര സർക്കാരിന്റെ തൊഴിലാളിവിരുദ്ധ നയങ്ങൾക്കെതിരെ ശക്തമായ പോരാട്ടങ്ങൾ ഉയർന്നുവരണമെന്ന് അദ്ദേഹം ഉദ്ഘാടന പ്രസംഗത്തിൽ ആഹ്വാനം ചെയ്തു.

​ചടങ്ങിൽ വി.പി. രവീന്ദ്രൻ അധ്യക്ഷത വഹിച്ചു. എം.എം. സുധീഷ് കുമാർ പരിപാടിക്ക് സ്വാഗതം ആശംസിച്ചു. സി.ഐ.ടി.യു ജില്ലാ വൈസ് പ്രസിഡന്റ് ചിഞ്ചു ശേഖർ, പി.പി. കുഞ്ഞൻ, എ. രാജു തുടങ്ങിയ പ്രമുഖ നേതാക്കൾ പ്രതിഷേധ പരിപാടികൾക്ക് നേതൃത്വം നൽകി. ചടങ്ങിന്റെ സമാപനത്തിൽ വി.എം. ബാലചന്ദ്രൻ നന്ദി രേഖപ്പെടുത്തി