മാതൃകയായി സജിത സുരേഷ്; വാഴക്കാട് പഞ്ചായത്തിൽ പുതിയ കീഴ്‌വഴക്കമായി 'വിഷുസദ്യ'

മാതൃകയായി സജിത സുരേഷ്; വാഴക്കാട് പഞ്ചായത്തിൽ പുതിയ കീഴ്‌വഴക്കമായി 'വിഷുസദ്യ'

​

വാഴക്കാട്: രാഷ്ട്രീയത്തിനും ഭരണപരമായ തിരക്കുകൾക്കുമപ്പുറം സ്നേഹത്തിൻ്റെയും സൗഹൃദത്തിൻ്റെയും പുതിയ മാതൃക തീർത്ത് വാഴക്കാട് പഞ്ചായത്തിലെ ചീട്ടിക്കുഴി വാർഡ് മെമ്പർ സജിത സുരേഷ്. വാഴക്കാട് പഞ്ചായത്തിൽ പുതുതായി രൂപീകരിച്ച ചീട്ടിക്കുഴി വാർഡിലെ കന്നി മെമ്പറായ സജിത, തന്റെ സഹപ്രവർത്തകർക്കും നാട്ടുകാർക്കുമായി ഒരുക്കിയ വിഷുസദ്യ ശ്രദ്ധേയമായി.

​

പഞ്ചായത്ത് പ്രസിഡൻ്റ്, വൈസ് പ്രസിഡൻ്റ് എന്നിവരടക്കം ഭരണസമിതിയിലെ സഹപ്രവർത്തകർക്കും കക്ഷിരാഷ്ട്രീയ ഭേദമന്യേ പൊതുപ്രവർത്തകർക്കും അയൽവാസികൾക്കുമായാണ് മെമ്പർ സദ്യ ഒരുക്കിയത്. പുതിയ വാർഡിൽ ജനപ്രതിനിധിയായി എത്തിയ ശേഷമുള്ള ആദ്യത്തെ വിഷു ആഘോഷം എന്ന നിലയിൽ ഈ സംഗമം വേറിട്ടൊരു അനുഭവമായി മാറി.

​

"ജീവിതത്തിൽ ഇത്രയും ആസ്വാദ്യകരമായ ഒരു വിഷു ആഘോഷം ഇതുവരെ ഉണ്ടായിട്ടില്ല," എന്ന് സജിത സുരേഷ് 'വോയ്സ് ഓഫ് പാറ'യോട് പ്രതികരിച്ചു.

​ഭാവിയൽ മറ്റു ജനപ്രതിനിധികൾക്കും മാതൃകയാക്കാവുന്ന ഈ സദ്പ്രവർത്തനത്തിന് വോയ്സ് ഓഫ് പാറയുടെ അഭിനന്ദനങ്ങൾ. പ്രദേശത്തെ സ്നേഹബന്ധങ്ങൾ ദൃഢമാക്കാനും രാഷ്ട്രീയത്തിനപ്പുറമുള്ള കൂട്ടായ്മകൾ വളർത്താനും ഇത്തരം സംരംഭങ്ങൾ സഹായിക്കുമെന്ന് നാട്ടുകാരും അഭിപ്രായപ്പെട്ടു.