​ശരണ്യ ലിജിത്തിന് ജസ്റ്റിസ് ഡി. ശ്രീദേവി സ്മാരക പുരസ്കാരം ​

​ശരണ്യ ലിജിത്തിന് ജസ്റ്റിസ് ഡി. ശ്രീദേവി സ്മാരക പുരസ്കാരം

​

പ്രമുഖ കവയിത്രിയും നോവലിസ്റ്റുമായ ശരണ്യ ലിജിത്തിന് ഈ വർഷത്തെ ജസ്റ്റിസ് ഡി. ശ്രീദേവി സ്മാരക പുരസ്കാരം. ഫ്രീഡം 50 എന്ന സംഘടന ഏർപ്പെടുത്തിയ ഈ പുരസ്കാരം ശരണ്യയുടെ 'ശിവഗംഗ' എന്ന കവിതാസമാഹാരത്തിനാണ് ലഭിച്ചത്.

​കൊല്ലം ചാത്തന്നൂർ സ്വദേശിയായ ശരണ്യ ലിജിത് അധ്യാപന രംഗത്തും സജീവമാണ്. നിലവിൽ 'വരമൊഴി' ഓൺലൈൻ മാഗസിൻ കോഡിനേറ്ററായി പ്രവർത്തിച്ചു വരുന്നു. കവിതകൾക്കും നോവലുകൾക്കും പുറമെ സാഹിത്യ രംഗത്തെ വിവിധ മേഖലകളിൽ ശരണ്യ തന്റെ സാന്നിധ്യം അറിയിച്ചിട്ടുണ്ട്.

​സാമൂഹിക-നീതി രംഗങ്ങളിൽ തനതായ മുദ്രപതിപ്പിച്ച ജസ്റ്റിസ് ഡി. ശ്രീദേവിയുടെ സ്മരണാർത്ഥം നൽകുന്ന ഈ പുരസ്കാരം, അർത്ഥവത്തായ വരികളിലൂടെയും തന്മയത്വമുള്ള ആവിഷ്കാരത്തിലൂടെയും ശ്രദ്ധിക്കപ്പെട്ട 'ശിവഗംഗ' എന്ന കൃതിക്ക് ലഭിച്ച വലിയൊരു അംഗീകാരമാണ്.