​യു.ഡി.എഫ് പെരുവയൽ പഞ്ചായത്ത് തെരഞ്ഞെടുപ്പ് കൺവെൻഷൻ നാളെ

​യു.ഡി.എഫ് പെരുവയൽ പഞ്ചായത്ത് തെരഞ്ഞെടുപ്പ് കൺവെൻഷൻ നാളെ

​

പെരുവയൽ: കേരള നിയമസഭാ തെരഞ്ഞെടുപ്പിൽ കുന്ദമംഗലം നിയോജകമണ്ഡലം യു.ഡി.എഫ് സ്ഥാനാർത്ഥി എം.എ. റസാഖ് മാസ്റ്ററുടെ വിജയത്തിനായി സംഘടിപ്പിക്കുന്ന യു.ഡി.എഫ് പെരുവയൽ പഞ്ചായത്ത് തെരഞ്ഞെടുപ്പ് കൺവെൻഷൻ നാളെ (മാർച്ച് 23, തിങ്കൾ) നടക്കും.

​വൈകുന്നേരം 3.30-ന് പൂവ്വാട്ടുപറമ്പ് അയാന ഓഡിറ്റോറിയത്തിൽ വെച്ചാണ് കൺവെൻഷൻ നടക്കുക. ഏപ്രിൽ 9-ന് നടക്കുന്ന നിയമസഭാ തെരഞ്ഞെടുപ്പിന്റെ മുന്നൊരുക്കങ്ങൾ ചർച്ച ചെയ്യുന്നതിനും സ്ഥാനാർത്ഥിയുടെ പ്രചാരണ പ്രവർത്തനങ്ങൾ ഏകോപിപ്പിക്കുന്നതിനുമായാണ് യോഗം വിളിച്ചുചേർത്തിരിക്കുന്നത്.

​തെരഞ്ഞെടുപ്പിന്റെ പ്രാധാന്യം കണക്കിലെടുത്ത് മുഴുവൻ സഹപ്രവർത്തകരും കൃത്യസമയത്ത് തന്നെ കൺവെൻഷനിൽ എത്തിച്ചേരണമെന്ന് യു.ഡി.എഫ് ചെയർമാൻ പേക്കാട്ടിൽ അഹമ്മദ് ഹാജിയും കൺവീനർ സി.എം. സദാശിവനും അറിയിച്ചു.