മുക്കത്ത് യാത്രക്കാർക്കായി നോമ്പുതുറ; രണ്ടാം ദിന പരിപാടി ലിന്റോ ജോസഫ് എം.എൽ.എ ഉദ്ഘാടനം ചെയ്തു

മുക്കത്ത് യാത്രക്കാർക്കായി നോമ്പുതുറ; രണ്ടാം ദിന പരിപാടി ലിന്റോ ജോസഫ് എം.എൽ.എ ഉദ്ഘാടനം ചെയ്തു

​മുക്കം: വ്യാപാരി വ്യവസായി ഏകോപന സമിതി യൂത്ത് വിംഗ് മുക്കം യൂണിറ്റിന്റെ ആഭിമുഖ്യത്തിൽ സംഘടിപ്പിക്കുന്ന "യാത്രക്കാർക്കായുള്ള നോമ്പുതുറ 2026" രണ്ടാം ദിവസത്തിലേക്ക്. പദ്ധതിയുടെ രണ്ടാം ദിന ഉദ്ഘാടനം തിരുവമ്പാടി എം.എൽ.എ ലിന്റോ ജോസഫ് നിർവ്വഹിച്ചു.

​

നോമ്പ് സമയത്ത് വീടുകളിലെത്താൻ സാധിക്കാത്ത ദൂരയാത്രക്കാർക്കും വഴിയാത്രക്കാർക്കും ആശ്വാസമേകുക എന്ന ലക്ഷ്യത്തോടെയാണ് ഈ സംരംഭം നടപ്പിലാക്കുന്നത്. 14 വർഷങ്ങൾക്ക് മുമ്പ് ആരംഭിച്ച ഈ സേവനപ്രവർത്തനം ഇന്നും ജനപങ്കാളിത്തം കൊണ്ടും സംഘാടനം കൊണ്ടും മാതൃകയായി തുടരുകയാണ്.

​

ചടങ്ങിൽ യൂത്ത് വിംഗ് ഭാരവാഹികളും വ്യാപാരി പ്രമുഖരും പങ്കെടുത്തു. യാത്രക്കാർക്കായി വിപുലമായ സൗകര്യങ്ങളാണ് മുക്കത്ത് ഒരുക്കിയിരിക്കുന്നത്. വരും ദിവസങ്ങളിലും വൈകുന്നേരങ്ങളിൽ മുക്കം കേന്ദ്രീകരിച്ച് നോമ്പുതുറ വിതരണം തുടരുമെന്ന് സംഘാടകർ അറിയിച്ചു