ദേശീയ കരാട്ടെ ചാമ്പ്യൻഷിപ്പിൽ ഇരട്ടസ്വർണ്ണവുമായി ബാനി റോണക്

ദേശീയ കരാട്ടെ ചാമ്പ്യൻഷിപ്പിൽ ഇരട്ടസ്വർണ്ണവുമായി ബാനി റോണക്

​

എറണാകുളം പെരുമ്പാവൂരിൽ നടന്ന മൂന്നാമത് ഷിഹാൻ കോൺ കാസിസ് മെമ്മോറിയൽ നാഷണൽ ഓപ്പൺ കരാട്ടെ ചാമ്പ്യൻഷിപ്പിൽ തിളക്കമാർന്ന നേട്ടവുമായി ബാനി റോണക്.

ഫെബ്രുവരി 14-ന് നടന്ന മത്സരത്തിൽ കാട്ട (Kata), കൂമീറ്റ് (Kumite) എന്നീ രണ്ട് വിഭാഗങ്ങളിലും ഒന്നാം സ്ഥാനം കരസ്ഥമാക്കിയാണ് ഈ കൊച്ചു മിടുക്കി ഇരട്ടസ്വർണ്ണം നേടിയത്.

​കോഴിക്കോട് സെന്റ് ജോസഫ്സ് ആംഗ്ലോ ഇന്ത്യൻ ഗേൾസ് സ്കൂളിലെ ഒന്നാം ക്ലാസ് വിദ്യാർത്ഥിനിയാണ് ബാനി. ദേശീയ തലത്തിൽ നടന്ന കഠിനമായ മത്സരങ്ങളിൽ മികച്ച പ്രകടനം കാഴ്ചവെച്ചാണ് ബാനി ഈ നേട്ടത്തിന് അർഹയായത്.

​

വിവിധ സംസ്ഥാനങ്ങളിൽ നിന്നുള്ള കായികതാരങ്ങൾ പങ്കെടുത്ത ചാമ്പ്യൻഷിപ്പിൽ ബാനിയുടെ ഈ വിജയം വിദ്യാലയത്തിനും നാടിനും അഭിമാനമായി മാറി.