കരുതലോടെ ചേർത്തുപിടിക്കാം; ഈ പുഞ്ചിരികളാണ് നമ്മുടെ കരുത്ത്

കരുതലോടെ ചേർത്തുപിടിക്കാം; ഈ പുഞ്ചിരികളാണ് നമ്മുടെ കരുത്ത്

എഴുതുന്നത്: ആമിന ജിജു

(ചെയർപേഴ്സൺ, ട്രൂ കെയർ ചാരിറ്റബിൾ ട്രസ്റ്റ്)

​ജീവിതത്തിലെ ഏറ്റവും വലിയ സന്തോഷം എന്താണെന്ന് ചോദിച്ചാൽ, മറ്റുള്ളവരുടെ മുഖത്ത് വിരിയുന്ന ആത്മാർത്ഥമായ പുഞ്ചിരി കാണുന്നതാണെന്ന് ഞാൻ പറയും. അത്തരമൊരു സന്തോഷമാണ് രാമനാട്ടുകരയിലെ ബഡ്സ് സ്കൂളിൽ പഠിക്കുന്ന എന്റെ പ്രിയപ്പെട്ട ദിവ്യയും കാവ്യയും എനിക്ക് സമ്മാനിച്ചത്.

​കഴിഞ്ഞ ദിവസം ചേവായൂർ ലെപ്രസി ഹോസ്പിറ്റലിൽ വി കെയർ ഫൗണ്ടേഷന്റെയും ട്രൂ കെയർ ചാരിറ്റബിൾ ട്രസ്റ്റിന്റെയും നേതൃത്വത്തിൽ ഒരു സംഗീത പരിപാടി സംഘടിപ്പിക്കുകയുണ്ടായി.

ഞങ്ങളുടെ മെലഡി കഫെയിലെ പാട്ടുകാർക്കൊപ്പമുള്ള ആ വേദിയിൽ ദിവ്യയും കാവ്യയും പാട്ടുപാടിയും താളത്തിനൊത്ത് ആടിപ്പാടിയും ഏവരുടെയും മനം കവർന്നു.

​പരിമിതികളില്ലാത്ത ഈ മക്കളുടെ ആവേശവും സ്നേഹവുമാണ് എന്റെ ജീവിതത്തിലെ ഏറ്റവും വലിയ കരുത്ത്. ഇവരെപ്പോലെയുള്ള കുരുന്നുകളെ സ്നേഹത്തോടെ ചേർത്തുപിടിക്കുക എന്നതാണ് നമ്മുടെ കടമ. അവരുടെ ഈ ചിരിയാണ് എന്റെ ലോകത്തെ ഏറ്റവും വലിയ ആനന്ദം.