ഹോപ്പ് ബ്ലഡ് ഡോണേഴ്സ് ഗ്രൂപ്പും ചങ്ക്‌സ് കൂട്ടായ്മയും സംയുക്തമായി മുണ്ടോത്ത് എച്ച്. എം മദ്രസയിൽ വെച്ച് രക്തദാന ക്യാമ്പ് സംഘടിപ്പിച്ചു.

ഉള്ള്യേരിയിൽ രക്തദാന - മെഡിക്കൽ ക്യാമ്പ് സംഘടിപ്പിച്ചു; 45 പേർ രക്തം നൽകി

​

ഉള്ള്യേരി: ഹോപ്പ് ബ്ലഡ് ഡോണേഴ്സ് ഗ്രൂപ്പും ചങ്ക്‌സ് കൂട്ടായ്മയും സംയുക്തമായി മുണ്ടോത്ത് എച്ച്. എം മദ്രസയിൽ വെച്ച് രക്തദാന ക്യാമ്പ് സംഘടിപ്പിച്ചു. കോഴിക്കോട് ഗവൺമെന്റ് ജനറൽ ഹോസ്പിറ്റലിന്റെ (ബീച്ച് ആശുപത്രി) സഹകരണത്തോടെയാണ് ക്യാമ്പ് നടത്തിയത്.

​

ശ്രീ. സച്ചിൻദേവ് MLA ക്യാമ്പിന്റെ ഉദ്ഘാടനം നിർവ്വഹിച്ചു. ചടങ്ങിൽ ഉള്ള്യേരി ഗ്രാമപഞ്ചായത്ത് മെമ്പർമാരായ ബഷീർ ഇ.എം, ബിന്ദു കൊയ്‌ലോത്ത്, നിഷ സ്രാവണം തുടങ്ങിയവർ സന്നിഹിതരായിരുന്നു.

​ക്യാമ്പിൽ സ്ത്രീകളടക്കം 45 പേർ സന്നദ്ധരായി മുന്നോട്ടുവന്ന് രക്തം നൽകി.

രക്തദാന ക്യാമ്പിനോടനുബന്ധിച്ച് എഞ്ഞിപ്പാലം മലബാർ ഹോസ്പിറ്റലിന്റെ നേതൃത്വത്തിൽ സൗജന്യ മെഡിക്കൽ ക്യാമ്പും സംഘടിപ്പിച്ചു.

​ഹോപ്പ് ബ്ലഡ്‌ ഡോണേഴ്സ് ഗ്രൂപ്പ് പ്രവർത്തകരായ നാസർ മാഷ് ആയഞ്ചേരി, ഷരീഫ് ആഷിയാന, ഷാജി വെള്ളിമാടുകുന്ന്, ദിൽഷ മക്കാട്ട്, അരുൺ നമ്പിയാട്ടിയിൽ, അബ്ദുൽ ഖാദർ മുണ്ടോത്ത്, ബിജിത്ത് കാക്കഞ്ചേരി തുടങ്ങിയവർ ക്യാമ്പിന് നേതൃത്വം നൽകി.

​ഗവ. ജനറൽ ഹോസ്പിറ്റൽ ബ്ലഡ്‌ സെന്റർ മെഡിക്കൽ ഓഫീസർമാരായ ഡോ. മേരി ട്രീസ, ഡോ. അശ്വിനി, കൗൺസലർ അഞ്ചുഷ എന്നിവർ രക്തദാതാക്കൾക്കുള്ള സർട്ടിഫിക്കറ്റുകൾ വിതരണം ചെയ്തു.