എന്റെ നിദ്രയിൽ ആയ്ന്നിറങ്ങിയവൾ

കവിത :

എന്റെ നിദ്രയിൽ ആയ്ന്നിറങ്ങിയവൾ

രചന : ജുനൈഹ നൗഷാദ് വേളം ശാന്തിനഗർ

എന്റെ പ്രാണനോടൊത്ത് 

ഞാൻ ആ തീരങ്ങളിൽ കൈകോർത്തു നടക്കവെ 

അങ്ങകലെ കണ്ടുഞാൻ ആ കുരുന്നിനെ 

വിശപ്പിന്റെ വെള്ളിവെളിച്ചം തേടി 

ആ മാലിന്യക്കൂമ്പാരത്തിലേക് അവൾ മെല്ലെ അടുത്തു 

വിശപ്പിന്റെ ആഘാതത്തിൽ 

അവളാ എച്ചിൽക്കഷണങ്ങൾ വാരിയെടുത്തു കഴിക്കവെ 

കാർമേഘങ്ങൾ പെയ്തിറങ്ങി 

നനഞ്ഞു കുതിർന്ന മേനിയാൽ അവൾ വിശപ്പടക്കവേ 

ഞാൻ അതു കണ്ടമാത്രയിൽ ചിന്തിച്ചു .

നാഥാ എന്തിനു നീ മുള്ളുകൊണ്ടവളെ സൃഷ്ടിച്ചു? 

എന്റെ മാതൃമനസ്സ് വിതുമ്പി .

പെയ്തിറങ്ങിയ ഈ പേമാരി 

എന്റെ പ്രാണനോടുള്ള പ്രണയമോ? 

അതോ ആ കുരുന്നിന്റെ നൊമ്പരമോ? 

പിന്നീട് പെയ്തിറങ്ങിയ 

ഓരോ കാലാവർഷവും ആ കുരുന്നിന്റെ നൊമ്പരമായി 

എന്നെ അലട്ടിക്കൊണ്ടേയിരുന്നു.

      

(ഐഡിയൽ പബ്ലിക്

സ്കൂൾ കുറ്റ്യാടി

നടത്തിയ രക്ഷിതാക്കളുടെ സർഗോത്സവം പരിപാടിയിൽ

കവിത രചന മത്സരത്തിൽ രണ്ടാ സ്ഥാനം നേടിയ രചന)