വാർഡ് മെമ്പർ ഉനൈസ് അരീക്കലിന് ഏഴാം വാർഡ് മുസ്ലിം ലീഗ് കമ്മിറ്റിയുടെ സ്നേഹാദരം: കെ. മൂസ മൗലവി ഉപഹാരം കൈമാറി

വാർഡ് മെമ്പർ ഉനൈസ് അരീക്കലിന് ഏഴാം വാർഡ് മുസ്ലിം ലീഗ് കമ്മിറ്റിയുടെ സ്നേഹാദരം: കെ. മൂസ മൗലവി ഉപഹാരം കൈമാറി

​പെരുവയൽ:

കഴിഞ്ഞ അഞ്ചു വർഷക്കാലം ഏഴാം വാർഡിലെ ജനങ്ങളുടെ ഹൃദയത്തിൽ സ്ഥാനം നേടിയ വാർഡ് മെമ്പർ ഉനൈസ് അരീക്കലിന് ആദരവായി ഏഴാം വാർഡ് മുസ്ലിം ലീഗ് കമ്മിറ്റിയുടെ സ്നേഹോപഹാരം. മണ്ഡലം മുസ്ലിം ലീഗ് പ്രസിഡണ്ട് കെ. മൂസ മൗലവി ഉപഹാരം സമ്മാനിച്ചു.

​ജനങ്ങളോടൊപ്പം ചേർന്ന് നിന്ന് പ്രവർത്തിച്ച മികച്ച ഭരണാധികാരി എന്ന നിലയിൽ വാർഡിലെ വികസന പ്രവർത്തനങ്ങൾക്ക് ഉനൈസ് അരീക്കൽ നൽകിയ നേതൃത്വം ശ്രദ്ധേയമാണ്. വാസയോഗ്യമായ ഒരു വാർഡ് സൃഷ്ടിക്കുന്നതിനായി ഇദ്ദേഹം നടത്തിയ ശ്രമങ്ങളെ ചടങ്ങിൽ മണ്ഡലം പ്രസിഡണ്ട് കെ. മൂസ മൗലവി പ്രശംസിച്ചു.

​

​കേവലം വികസന കാര്യങ്ങളിൽ മാത്രം ഒതുങ്ങുന്ന വ്യക്തിത്വമല്ല ഉനൈസ് അരീക്കലിന്റേത്. കലാകായിക, സാമൂഹിക, സാംസ്കാരിക, സന്നദ്ധ മേഖലകളിൽ നിറസാന്നിധ്യമാണ് ഇദ്ദേഹം. വാർഡിലെ ഓരോരുത്തരുടെയും സുഖദുഃഖങ്ങളിൽ താങ്ങും തണലുമായി കൂടെ നിന്നുകൊണ്ട്, ഒരു ജനപ്രതിനിധിക്ക് അപ്പുറം ജനകീയ നേതാവായി മാറാൻ അദ്ദേഹത്തിന് സാധിച്ചു.

​വാർഡിന്റെ സമഗ്ര പുരോഗതിക്കും ജനങ്ങളുടെ ക്ഷേമത്തിനും വേണ്ടി അക്ഷീണം പ്രയത്നിച്ച ഉനൈസ് അരീക്കലിനുള്ള ഏഴാം വാർഡ് മുസ്ലിം ലീഗിന്റെ സ്നേഹാദരം, അദ്ദേഹത്തിന്റെ ജനകീയ പ്രവർത്തനങ്ങൾക്കുള്ള അംഗീകാരമായി.

എ.പി. സുലൈമാൻ, അൻസാർ പെരുവയൽ, സലിം പെരുവയൽ, ബുഷ്‌റ തുടങ്ങിയവർ ചടങ്ങിൽ സന്നിഹിതരായിരുന്നു