വിഷം തീരാത്ത നൊമ്പരം രചന : സയ്യിദ് സിനാൻ പരുത്തിക്കോട്

വിഷം തീരാത്ത നൊമ്പരം

രചന : സയ്യിദ് സിനാൻ പരുത്തിക്കോട്

നൂറുനൂറ് സ്വപ്നങ്ങളേന്തി

സ്നേഹത്തിൻ്റെ കൈകളിൽ

വാത്സല്യത്തിൻ്റെ ലോകം തീർത്തപ്പോൾ

നിൻ്റെ വേരുകളിലെ നന്മ

പ്രണയത്തിൻ്റെ മധുരത്തിൽ

വിഷമായി മാറിയത് നീ അറിഞ്ഞില്ല.

ഉപ്പയുടെ കണ്ണീർപ്പുഴയും

ഉമ്മയുടെ സ്നേഹക്കടലും

അത് നിൻ്റെ ജീവിതത്തിൻ

വഴിവിളക്കുകളായിരുന്നു.

അവയെ തള്ളിപ്പറഞ്ഞ് നീ പോയത്

കണ്ണീരുപ്പു നിറഞ്ഞൊരു

ചതിയുടെ കടലിലേക്കാണ്.

തിരിച്ചുവരാൻ കഴിയാത്തൊരു

യാത്രയായിരുന്നത്.

എങ്കിലും,

നിനക്കറിയാമായിരുന്നോ

നിൻ്റെ വേദനയുടെ ആഴത്തേക്കാൾ

ആഴമുള്ളതായിരുന്നു

നിൻ്റെ മാതാപിതാക്കളുടെ ഹൃദയം?

നീ യാത്രയായി

ദുരന്തത്തിൻ്റെ ലോകത്തുനിന്ന്

എന്നാൽ, നിൻ്റെ ആത്മാവ്

അത് ഈ വീട്ടിൽ

അവരുടെ സ്നേഹത്തിൽ

എന്നുമുണ്ടാകും.

നിൻ്റെ മരണം

ഒരു മരവിച്ച കത്തായി.

അവരുടെ കൈകളിൽ

അവസാനത്തെ ഓർമ്മയായി.

ഇനിയുള്ള കാലം

നിൻ്റെ ദുരിതമറിഞ്ഞ

ആ കുഞ്ഞിന് കൂട്ടായി

അവർ ജീവിക്കും.

നീ വിഷനാരകമെന്ന് കരുതി

കഴിച്ച പ്രണയം

അതൊരു വിഷമായിരുന്നു.

എങ്കിലും,

നിൻ്റെ ഓർമ്മകൾ

അതൊരു നൊമ്പരമായി

ഇവിടെ എന്നും ജീവിക്കും.

രചന : സയ്യിദ് സിനാൻ പരുത്തിക്കോട്