ഷക്കീർ പെരുവയലിന് നൂറാം രക്തദാനം; ഹോപ്പ് ബ്ലഡ്‌ ഡൊണേഷൻ ഡ്രൈവ് സംഘടിപ്പിച്ചു

ഷക്കീർ പെരുവയലിന് നൂറാം രക്തദാനം; ഹോപ്പ് ബ്ലഡ്‌ ഡൊണേഷൻ ഡ്രൈവ് സംഘടിപ്പിച്ചു

​

കോഴിക്കോട്: ഹോപ്പ് ബ്ലഡ്‌ ഡോണേഴ്സ് ഗ്രൂപ്പ് ജനറൽ സെക്രട്ടറി ഷക്കീർ പെരുവയലിന്റെ നൂറാം രക്തദാനത്തിൻ്റെ ഭാഗമായി വിപുലമായ രക്തദാന ക്യാമ്പ് സംഘടിപ്പിച്ചു. കോഴിക്കോട് മിംസ്, മൊടക്കല്ലൂർ മലബാർ മെഡിക്കൽ കോളേജ്, വടകര സഹകരണ ഹോസ്പിറ്റൽ തുടങ്ങിയ ബ്ലഡ്‌ സെന്ററുകൾ കേന്ദ്രീകരിച്ചായിരുന്നു ക്യാമ്പ് നടന്നത്.

​

ഷക്കീർ പെരുവയലിന്റെ ഈ സ്തുത്യർഹമായ നേട്ടത്തോടനുബന്ധിച്ച് നടന്ന ക്യാമ്പിൽ 7 വനിതകൾ ഉൾപ്പെടെ 42 പേർ രക്തം ദാനം ചെയ്തു.

​ക്യാമ്പിന് ഹോപ്പ് പ്രവർത്തകരായ നൗഷാദ് ബേപ്പൂർ, ഡോ. ജുനൈദ് ആയഞ്ചേരി, ഷാജിമോൻ വെള്ളിമാട്കുന്ന്, ഷമീം അത്തോളി, റജീന അരക്കിണർ, ഷുക്കൂർ അത്തോളി, സിറാജ് കോട്ടക്കൽ, ഷറീജ ഒളവണ്ണ, അജിതാബി ഒളവണ്ണ, നൗഷാദ് കല്ലായി, അരുൺ നമ്പിയാട്ടിൽ തുടങ്ങിയവർ നേതൃത്വം നൽകി.