ഒളവണ്ണ ഹോമിയോ ഡിസ്പെന്സറി കെട്ടിടം മന്ത്രി എം ബി രാജേഷ് ഉദ്ഘാടനം ചെയ്തു
ഒളവണ്ണ ഗ്രാമപഞ്ചായത്ത് ഹോമിയോ ഡിസ്പെന്സറി കെട്ടിടം മന്ത്രി എം ബി രാജേഷ് ഉദ്ഘാടനം ചെയ്തു. മാത്തറ ഇ.എം.എസ് ഹാളില് നടന്ന പരിപാടിയില് ഗ്രാമപഞ്ചായത്ത് പ്രസിഡന്റ് അഡ്വ. പി ശാരുതി അധ്യക്ഷയായി. പി ടി എ റഹീം എംഎല്എ മുഖ്യാതിഥിയായി.
ഗ്രാമപഞ്ചായത്ത് വാര്ഷിക പദ്ധതിയില് ഉള്പ്പെടുത്തി 72 ലക്ഷം രൂപ ചെലവിട്ടാണ് കെട്ടിടം നിര്മിച്ചത്. ഇരു നിലകെട്ടിടത്തില് പരിശോധനാ മുറി, ഫാര്മസി, ടോയ്ലറ്റ്, വിശ്രമ ഹാള്, ഭിന്നശേഷിക്കാര്ക്ക് റാമ്പ് എന്നീ സൗകര്യങ്ങള് ഒരുക്കിയിട്ടുണ്ട്.
ഗ്രാമപഞ്ചായത്ത് സെക്രട്ടറി എം ശരീഫ, ഡിഎംഒ ഡോ. അബ്ദുല് സലാം, ജില്ലാ പഞ്ചായത്ത് അംഗം രാജീവ് പെരുമണ്പുറ, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന് രവി പറശ്ശേരി, ഗ്രാമപഞ്ചായത്ത് വൈസ് പ്രസിഡന്റ് ജയപ്രശാന്ത്, സ്ഥിരംസമിതി അധ്യക്ഷരായ പി മിനി, പി ബാബുരാജന്, എം സിന്ധു, ആസൂത്രണ സമിതി വൈസ് ചെയര്മാന് കെ കെ ജയപ്രകാശന്, അംഗങ്ങളായ കെ തങ്കമണി, കെ ബൈജു, ബാബു പറശ്ശേരി, രാഷ്ട്രീയ പാര്ട്ടി പ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുത്തു.
Tags:
Perumanna News