പുതുകവിതയിലെ ഒറ്റയാൻ കോഴിക്കോട് ജില്ലയിലെ തൊട്ടിൽപ്പാലം സ്വദേശിയായ സബീഷ്,

പുതുകവിതയിലെ ഒറ്റയാൻ

കോഴിക്കോട് ജില്ലയിലെ തൊട്ടിൽപ്പാലം സ്വദേശിയായ സബീഷ്,

മലയാള കവിതയുടെ ആധുനികമുഖങ്ങളിൽ ശ്രദ്ധേയനാണ്. പതിനാറാം വയസ്സിൽ 'ചന്ദ്രിക ആഴ്ചപ്പതിപ്പി'ലൂടെയാണ് അദ്ദേഹത്തിന്റെ കാവ്യജീവിതം ആരംഭിക്കുന്നത്. പിന്നീട് 'ഭാരത ദേശം', 'പ്രബോധനം', 'ആരാമം', 'ദേശാഭിമാനി', 'കലാകൗമുദി', 'തുളുനാട്', 'സിലബസ്', 'വർത്തമാനം', 'ഇന്ത്യൻ ട്യൂത്ത്' തുടങ്ങി ഒട്ടുമിക്ക മാസികകളിലും ഓൺലൈൻ മാധ്യമങ്ങളിലും അദ്ദേഹത്തിൻ്റെ കവിതകൾ പ്രസിദ്ധീകരിക്കപ്പെട്ടു.

കവിതകൾക്ക് പുറമെ, പത്തോളം ചെറുകഥകളും അദ്ദേഹം രചിച്ചിട്ടുണ്ട്. 'ഭൂപടങ്ങളിൽ നിലവിളികൾ ഉയരുന്നു' എന്ന കഥാസമാഹാരവും അദ്ദേഹത്തിന്റേതായിട്ടുണ്ട്. 'നമ്മൾ', 'ചില സ്വതന്ത്ര ചിന്തകൾ / ആകാശം പറയുന്നു' തുടങ്ങിയ സംഗീത നാടകങ്ങൾക്ക് ഗാനരചനയും നിർവഹിച്ചിട്ടുണ്ട്. കൂടാതെ അറുപതോളം ലളിതഗാനങ്ങളും രചിച്ചിട്ടുണ്ട്.

സബീഷിന്റെ കവിതകൾക്ക് ഒട്ടേറെ പുരസ്കാരങ്ങൾ ലഭിച്ചിട്ടുണ്ട്:

 പേരക്ക ബുക്സ് കവിതാ പുരസ്കാരം (2021): 'ഓന്ത്' എന്ന കവിതയ്ക്ക്

 

 എസ്.കെ. പൊറ്റെക്കാട് സ്മാരക കവിതാ പുരസ്കാരം (2024): 'കുറുക്കൻ' എന്ന കവിതയ്ക്ക്

 

 പുരോഗമന കലാസാഹിത്യ സംഘം സംസ്ഥാനതല കവിതാ പുരസ്കാരം (2021): 'പ്രണയിനി' എന്ന കവിതയ്ക്ക്

 

 നീമ ബുക്സ് കവിതാ പുരസ്കാരം (2023): 'പ്രാകൃതൻ' എന്ന കവിതയ്ക്ക്

 

 വിരൽ സാഹിത്യ പുരസ്കാരം (2024): 'ഓർമ്മകൾ' എന്ന കവിതയ്ക്ക്

2011-ലും 2012-ലും നടന്ന ജില്ലാതല കേരളോത്സവങ്ങളിൽ കവിതാ രചനയിലും ഹിന്ദി, മലയാളം പ്രസംഗ മത്സരങ്ങളിലും അദ്ദേഹം ഒന്നാം സ്ഥാനം നേടിയിട്ടുണ്ട്. 'തനിച്ച്' എന്ന പേരിൽ ഒരു മ്യൂസിക്കൽ ആൽബവും അദ്ദേഹം പുറത്തിറക്കിയിട്ടുണ്ട്.

'കടൽ', 'ഊഴം', 'ഒരു പെൺകുട്ടി പറയുന്നു', 'പല്ലി', 'കാള', 'ചില നാട്ടുവർത്തമാനങ്ങൾ', 'ഉറുമ്പുകൾ', 'പൂച്ചകൾ', 'ഗുരുപ്രസാദം', 'പുതിയ വാനം', 'എലികൾ', 'പുഴു', 'മൊയ്തുവിൻ്റെ മകൻ', 'തത്സമയം', 'ചോദ്യം' തുടങ്ങിയ കവിതകൾ നിരൂപകരുടെ പ്രശംസ പിടിച്ചുപറ്റിയവയാണ്.

നിലവിൽ കുറ്റ്യാടി ഐഡിയൽ പബ്ലിക് സ്കൂളിൽ ഹിന്ദി അധ്യാപകനായി ജോലി ചെയ്യുന്നു. ഭാര്യ രമ്യ, മകൾ മേധാലക്ഷ്മി എസ്.ആർ.