മുണ്ടക്കലിൽ മെഗാ മെഡിക്കൽ ക്യാമ്പ് സംഘടിപ്പിച്ചു; 200-ലധികം പേർ പങ്കെടുത്തു

മുണ്ടക്കലിൽ മെഗാ മെഡിക്കൽ ക്യാമ്പ് സംഘടിപ്പിച്ചു; 200-ലധികം പേർ പങ്കെടുത്തു

പെരുവയൽ:

ടീം പുതുമ മുണ്ടക്കലും മെഡിമാളും സംയുക്തമായി സംഘടിപ്പിച്ച മെഗാ മെഡിക്കൽ ക്യാമ്പ് നൂറുകണക്കിന് ആളുകൾക്ക് ആശ്വാസമായി. മെഡിമാളിലെ വിദഗ്ദ്ധ ഡോക്ടർമാരുടെ നേതൃത്വത്തിൽ നടന്ന പരിശോധനയിൽ 200-ലധികം പേർ പങ്കെടുത്തു.

പെരുവയൽ ഗ്രാമപഞ്ചായത്ത് പ്രസിഡന്റ് സുബിത തോട്ടാഞ്ചേരി ക്യാമ്പ് ഉദ്ഘാടനം ചെയ്തു. ടീം പുതുമയുടെ പ്രസിഡന്റ് വി. അഖിൽ അദ്ധ്യക്ഷത വഹിച്ചു. വാർഡ് മെമ്പർ എ.പി. റീന ആശംസകൾ അറിയിച്ചു.

പരിപാടിക്ക് ടീം പുതുമയുടെ സെക്രട്ടറി വിവേക് സി. സ്വാഗതവും, വൈസ് പ്രസിഡന്റ് ഷിബിൻ കെ. നന്ദിയും പറഞ്ഞു. ആരോഗ്യപരിരക്ഷ സാധാരണക്കാർക്ക് പ്രാപ്യമാക്കുക എന്ന ലക്ഷ്യത്തോടെയാണ് ഈ ക്യാമ്പ് സംഘടിപ്പിച്ചത്.