ഐ.എസ്.എം ഗോൾഡൻ ഹോമിന്റെ ശിലാസ്ഥാപനം നടന്നു

ഐ.എസ്.എം ഗോൾഡൻ ഹോമിന്റെ ശിലാസ്ഥാപനം നടന്നു

മടവൂർ: ഐ.എസ്.എം കോഴിക്കോട് സൗത്ത് ജില്ലാ കമ്മിറ്റിയുടെ ആഭിമുഖ്യത്തിൽ നിർധരാരായ ഭവനരഹിതർക്ക് വേണ്ടി മടവൂരിൽ നിർമ്മിക്കുന്ന എട്ടാമത് ഈലാഫ് ഗോൾഡൻ ഹോമിന്റെ ശിലാസ്ഥാപനം കെ.എൻ.എം സംസ്ഥാന വൈസ് പ്രസിഡന്റ് ഡോ.ഹുസൈൻ മടവൂർ നിർവ്വഹിച്ചു. ഏഴാമത്തെ ഈലാഫ് ഗോൾഡൻ ഹോമിന്റെ താക്കോൽ ദാനകർമ്മം കെ.എൻ.എം സംസ്ഥാന പ്രസിഡന്റ് ടി.പി അബ്ദുല്ലക്കോയ മദനി നിർവ്വഹിച്ചു. എം.കെ രാഘവൻ എം.പി മുഖ്യാതിഥിയായിരുന്നു. മടവൂർ പഞ്ചായത്ത് പ്രസിഡന്റ് സന്തോഷ് കുമാർ, ഐ.എസ്‌.എം സംസ്ഥാന സെക്രട്ടറി ഷുക്കൂർ സ്വലാഹി, പാലത്ത് അബ്ദുർറഹ്മാൻ മദനി,സുബൈർ പീടിയേക്കൽ, റഹ്മത്തുള്ള സ്വലാഹി,സി.മരക്കാരുട്ടി, വളപ്പിൽ അബ്ദുസ്സലാം,അബ്ദുൽ ഗഫൂർ ഫാറൂഖി, ഹാഫിസ് റഹ്‌മാൻ മദനി, ഷജീർഖാൻ, അഫ്‌സൽ പട്ടേൽത്താഴം, അസ്‌ലം എം.ജി നഗർ, മുജീബ് പൊറ്റമ്മൽ, അബ്ദുൽ റഊഫ്, നൗഫൽ കാരപറമ്പ് എന്നിവർ സംസാരിച്ചു.