STU പെരുവയൽ യൂണിറ്റ് മെമ്പർഷിപ്പ് ക്യാമ്പയിൻ

STU പെരുവയൽ യൂണിറ്റ് മെമ്പർഷിപ്പ് ക്യാമ്പയിൻ കുന്ദമംഗലം നിയോജക മണ്ഡലം മുസ്‌ലിം ലീഗ് പ്രസിഡൻ്റ് കെ. മൂസ മൗലവി ഉദ്ഘാടനം ചെയ്തു

പെരുവയൽ: 

STU (മോട്ടോർ തൊഴിലാളി യൂണിയൻ) പെരുവയൽ യൂണിറ്റ് തല മെമ്പർഷിപ്പ് ക്യാമ്പയിൻ കുന്ദമംഗലം നിയോജക മണ്ഡലം മുസ്‌ലിം ലീഗ് പ്രസിഡൻ്റ് കെ. മൂസ മൗലവി ഉദ്ഘാടനം ചെയ്തു. നാട്ടുകാർക്ക് സുപരിചിതനും സാമൂഹ്യ പ്രവർത്തനങ്ങളിൽ സജീവ സാന്നിധ്യവുമായ അക്ബറിന് മെമ്പർഷിപ്പ് നൽകിക്കൊണ്ടാണ് മൗലവി ഉദ്ഘാടനം നിർവഹിച്ചത്.

മത്സ്യത്തൊഴിലാളി, ടാക്സി ഡ്രൈവർ, ആംബുലൻസ് ഡ്രൈവർ എന്നീ നിലകളിൽ സേവനമനുഷ്ഠിക്കുന്ന അക്ബർ, പ്രദേശത്തെ അപകട സമയങ്ങളിൽ സ്വന്തം വേഷവിധാനം പോലും ശ്രദ്ധിക്കാതെ സന്നദ്ധ പ്രവർത്തനങ്ങളിൽ ഏർപ്പെടുന്ന ഒരു മഹത് വ്യക്തിത്വമാണ്. അദ്ദേഹത്തിൻ്റെ ഈ സേവന തത്പരതയ്ക്ക് നാട്ടുകാരുടെയെല്ലാം പ്രശംസ പിടിച്ചുപറ്റിയിട്ടുണ്ട്.

ഈ ക്യാമ്പയിൻ പ്രദേശത്തെ കൂടുതൽ മോട്ടോർ തൊഴിലാളികളെ STU-വിന്റെ ഭാഗമാക്കാനും അതുവഴി അവരുടെ ക്ഷേമത്തിനും ഉന്നമനത്തിനും സഹായിക്കുമെന്നാണ് പ്രതീക്ഷിക്കുന്നത്.