ഗൾഫിലേക്ക് കൊണ്ടുപോകാൻ അയൽവാസി വന്നു കൊടുത്ത പാർസലിലെ അച്ചാർ ബോട്ടിലിൽ മയക്കുമരുന്ന്; മൂന്നുപേർ അറസ്റ്റിൽ

ഗൾഫിലേക്ക് കൊണ്ടുപോകാൻ അയൽവാസി വന്നു കൊടുത്ത പാർസലിലെ അച്ചാർ ബോട്ടിലിൽ മയക്കുമരുന്ന്; മൂന്നുപേർ അറസ്റ്റിൽ

ചക്കരക്കൽ: വിദേശത്തേക്ക് മയക്കുമരുന്ന് കടത്താൻ പുതിയ മാർഗങ്ങളുമായി ഇറങ്ങിയ ലഹരി മാഫിയ സംഘം പിടിയിൽ. ചക്കരക്കൽ കുളം ബസാർ സ്വദേശികളായ ജിസിൻ, ശ്രീലാൽ, അർഷാദ് എന്നിവരെയാണ് ചക്കരക്കൽ പോലീസ് ഇൻസ്പെക്ടർ ഷാജി എം പി യും സംഘവും അറസ്റ്റ് ചെയ്തത്. ഇന്ന് പുലർച്ചെ 12.15 മണിയോടെയാണ്കേസിനാസ്പദമായ സംഭവം.

 കണ്ണൂർ , ചക്കരക്കൽ കണയന്നൂർ സ്വദേശി മിദിലാജിൻ്റെ വീട്ടിൽ മയക്കുമരുന്ന് ഉള്ളിലൊളിപ്പിച്ച പ്ലാസ്റ്റിക്ക് ബോട്ടിലുണ്ടായിരുന്ന അച്ചാറും ഇതിനൊപ്പം ചിപ്സും മറ്റു മടങ്ങുന്ന പാർസൽ പൊതിയെത്തിച്ചത്. 

ഇന്ന് ഗൾഫിലേക്ക് മടങ്ങാനിരുന്ന മിദിലാജിന്റെ കൈവശമാണ് മയക്കുമരുന്ന് ഒളിപ്പിച്ച പൊതിയെത്തിച്ചത്. അച്ചാറിൻ്റെ ചെറിയ പ്ളാസ്റ്റിക്ക് ബോട്ടിലിൽ 02.6 ഗ്രാം എം.ഡി.എം.എം.എയും 3.04 ഗ്രാം ഹാഷിഷ് ഓയിലും ചെറിയ പ്ലാസ്റ്റിക് കവറിലായി ഒളിപ്പിക്കുകയായിരുന്നു

അയൽവാസിയായ ജസീനാണ് മിദിലാജിൻ്റെ വീട്ടിൽ ഗൾഫിലേക്ക് കൊണ്ടുപോകുന്നതിനായി സാധനങ്ങൾ എത്തിച്ചത്. വിദേശത്ത് കൂടെ ജോലി ചെയ്യുന്ന വഹീൻ എന്നയാൾക്ക് കൊടുക്കാനായിരുന്നു പാർസൽ ശ്രീലാൽ എന്നയാൾ തന്നതാണെന്ന് പറയണമെന്നും നിർദ്ദേശമുണ്ടായി. 

വഹീൻ ഈ കാര്യം സൂചിപ്പിച്ച് മിദിലാജിന്  മെസേജും അയച്ചിരുന്നു. സംഭവ സമയം രാത്രി മിദിലാജ് തൻ്റെ ഭാര്യ വീട്ടിലുണ്ടായിരുന്നില്ല. പാഴ്സൽ സാധാരണയെന്ന പോലെ കൊടുത്ത് ഏൽപ്പിച്ചാണ് ജസീൽ മടങ്ങിയത്.