തൃശ്ശൂരിൽ നടന്ന സംസ്ഥാന കൗൺസിൽ യോഗത്തിൽ വയനാട് KASNTSA സംസ്ഥാന സമ്മേളനത്തിൻ്റെ പോസ്റ്റർ, ബ്രോഷർ പ്രകാശനം ചെയ്തു

തൃശ്ശൂരിൽ നടന്ന സംസ്ഥാന കൗൺസിൽ യോഗത്തിൽ വയനാട് KASNTSA സംസ്ഥാന സമ്മേളനത്തിൻ്റെ പോസ്റ്റർ, ബ്രോഷർ പ്രകാശനം ചെയ്തു

തൃശ്ശൂർ: 

മെയ് 2, 3 തീയതികളിൽ വയനാട്ടിൽ വെച്ച് നടക്കുന്ന കേരള എയ്ഡഡ് സ്കൂൾ നോൺ ടീച്ചിംഗ് സ്റ്റാഫ്

 അസോസിയേഷൻ (KASNTSA) 61-ാം സംസ്ഥാന സമ്മേളനത്തിൻ്റെ മുന്നൊരുക്കങ്ങളുടെ ഭാഗമായി തൃശ്ശൂർ എൻ.ടി.എസ്. ഭവനിൽ വെച്ച് സംസ്ഥാന കൗൺസിൽ യോഗം ചേർന്നു.

യോഗത്തിൽ വെച്ച് 61-ാം സംസ്ഥാന സമ്മേളനത്തിൻ്റെ ഔദ്യോഗിക പോസ്റ്റർ വയനാട് ജില്ലാ ഭാരവാഹികളായ അലി അസ്‌കർ, ബിജു ഇ.സി എന്നിവർക്ക് നൽകി പ്രകാശനം ചെയ്തു. സമ്മേളനത്തിൻ്റെ ബ്രോഷർ എറണാകുളം ജില്ലാ ഭാരവാഹികളായ ജോളി, സാജൻ പി.പി എന്നിവർക്കും നൽകി പ്രകാശനം ചെയ്തു.

സംസ്ഥാന സമ്മേളനം വിജയകരമാക്കുന്നതിന് എല്ലാ അംഗങ്ങളുടെയും സഹകരണവും പങ്കാളിത്തവും സംസ്ഥാന ഭാരവാഹികൾ അഭ്യർത്ഥിച്ചു. വയനാട്ടിൽ നടക്കുന്ന സംസ്ഥാന സമ്മേളനത്തിലേക്ക് മുഴുവൻ അംഗങ്ങളെയും പ്രത്യേകം ക്ഷണിക്കുന്നതായുംസംസ്ഥാന പ്രസിഡന്റ്‌ എൻ വി മധു, ജനറൽ സെക്രട്ടറി ഷിനോജ് പാപ്പച്ചൻ, ഓർഗ നൈസിംഗ് സെക്രട്ടറി അജി കുര്യൻ, ട്രഷറർ സി സി ഷാജു എന്നിവർ അറിയിച്ചു.