സ്വപ്നക്കൂട് പദ്ധതിയിൽ വീടിന്റെ താക്കോൽ കൈമാറി

സ്വപ്നക്കൂട് പദ്ധതിയിൽ വീടിന്റെ താക്കോൽ കൈമാറി

കെ ചിറ്റിലപ്പിള്ളി ഫൗണ്ടേഷൻ - എ പി ജെ അബ്ദുൾ കാലം സാങ്കേതിക ശാസ്ത്ര സർവകലാശാല എൻ എസ് എസ് സെല്ലുമായി സഹകരിച്ചു നടത്തുന്ന ഭവന നിർമ്മാണ പദ്ധതിയായ "സ്വപ്നക്കൂട്" ന്റെ ഭാഗമായി

കെ എം സി ടി വനിത എഞ്ചിനീയറിംഗ് കോളേജ് എൻ എസ് എസ് യൂണിറ്റ് നിർമ്മിച്ചു നൽകിയ വീടിന്റെ താക്കോൽദാനം കോളേജ് പ്രിൻസിപ്പൽ ഡോ ജെർലിൻ ഷീഭ ആനി നിർവഹിച്ചു.

450 ചതുരശ്ര അടി വിസ്തീർണ്ണമുള്ള വീടാണ് പണിതു കൈമാറിയത്. 1 മുറി, ഹാൾ, അടുക്കള, ശുചിമുറി, സിറ്റൗട്ട് എന്നീ സൗകര്യങ്ങളോട് കൂടിയ വീട് 9 മാസം കൊണ്ടാണ് പൂർത്തിയാക്കിയത്.

താക്കോൽ ദാന ചടങ്ങിന് വാർഡ് മെമ്പർ ശ്രീ രാജേഷ് കണ്ടങ്ങൂർ അധ്യക്ഷത വഹിച്ചു.

എൻ എസ് എസ് പ്രോഗ്രാം ഓഫീസർ പ്രഫ. റീന എബ്രഹാം സ്വാഗതവും, വോളന്റീയർ സെക്രട്ടറി ജഫ്ന നന്ദിയും പറഞ്ഞു.     

സാങ്കേതിക ശാസ്ത്ര സർവകലാശാല എൻ എസ് എസ് സെല്ലിനു കീഴിലെ വിവിധ എഞ്ചിനീയറിംഗ് കോളേജുകളുടെ നേതൃത്വത്തിൽ കൊച്ചൗസേഫ് ചിറ്റിലപ്പിള്ളി ഫൗണ്ടേഷൻ ധനസഹായത്തോടെ  100 വീടുകളാണ് സംസ്ഥാനത്തൊട്ടാകെ ഈ പദ്ധതി പ്രകാരം പൂർത്തിയാക്കുന്നത്.