പെരുമണ്ണ അങ്ങാടിയിലെ വ്യാപാരിക്ക് സമിതിയുടെ കൈത്താങ്ങ്; കവർച്ചയിൽ എല്ലാം നഷ്ടപ്പെട്ട മമ്മദ് കോയക്ക് ധനസഹായം കൈമാറി.

പെരുമണ്ണ അങ്ങാടിയിലെ വ്യാപാരിക്ക് സമിതിയുടെ കൈത്താങ്ങ്; കവർച്ചയിൽ എല്ലാം നഷ്ടപ്പെട്ട മമ്മദ് കോയക്ക് ധനസഹായം കൈമാറി.

​

പെരുമണ്ണ: പെരുമണ്ണ അങ്ങാടിയിൽ ദീർഘകാലമായി കച്ചവടം നടത്തിവരുന്ന മമ്മദ് കോയയുടെ കടയിൽ കഴിഞ്ഞ ദിവസം രാത്രിയുണ്ടായ കവർച്ചയിൽ സർവ്വതും നഷ്ടപ്പെട്ട സംഭവത്തിൽ വ്യാപാരി സമൂഹം കൈത്താങ്ങായി. കടയിലുണ്ടായിരുന്ന മുഴുവൻ സാധനങ്ങളും പണവും കവർച്ച ചെയ്യപ്പെട്ടതിനെത്തുടർന്ന് കടുത്ത പ്രതിസന്ധിയിലായ മമ്മദ് കോയയെ സഹായിക്കാൻ പെരുമണ്ണ വ്യാപാരി വ്യവസായി സമിതി അംഗങ്ങൾ മുന്നോട്ടുവരികയായിരുന്നു.

​സമിതി അംഗങ്ങൾ ചേർന്ന് സമാഹരിച്ച 7500 രൂപയുടെ ധനസഹായം ഇന്ന് രാവിലെ മമ്മദ് കോയക്ക് കൈമാറി. വ്യാപാരി വ്യവസായി സമിതി ഭാരവാഹികളും അംഗങ്ങളും, അങ്ങാടിയിലെ പഴയകാല കച്ചവടക്കാരനായ കുഞ്ഞാലിക്കയും ചേർന്നാണ് തുക കൈമാറിയത്. പ്രതിസന്ധി ഘട്ടങ്ങളിൽ വ്യാപാരികൾ പരസ്പരം നൽകുന്ന പിന്തുണയുടെയും ഒത്തൊരുമയുടെയും മാതൃകയായി ഈ ഒത്തുചേരൽ മാറി.