ഹിമായത്തുൽ ഇസ്ലാം ഹയർ സെക്കൻഡറി സ്കൂളിൽ കരിയർ ശില്പശാല സംഘടിപ്പിച്ചു ​

ഹിമായത്തുൽ ഇസ്ലാം ഹയർ സെക്കൻഡറി സ്കൂളിൽ കരിയർ ശില്പശാല സംഘടിപ്പിച്ചു

​

കോഴിക്കോട്: എസ്‌.എസ്‌.എൽ.സിക്ക് ശേഷം ഏത് വഴി തിരഞ്ഞെടുക്കണം എന്ന ആശയക്കുഴപ്പങ്ങൾക്ക് വിരാമമിട്ട്, ഹിമായത്തുൽ ഇസ്ലാം എച്ച്.എസ്.എസിൽ ‘ഫോക്കസ് പോയിന്റ്’ കരിയർ ഗൈഡൻസ് ശില്പശാല സംഘടിപ്പിച്ചു. സ്കൂളിലെ കരിയർ ക്ലബ്ബിന്റെ ആഭിമുഖ്യത്തിൽ നടന്ന പ്രോഗ്രാം പ്രിൻസിപ്പൽ ടി.പി. മുഹമ്മദ് ബഷീർ ഉദ്ഘാടനം ചെയ്തു.

​മാറിയ കാലത്തെ കരിയർ സാധ്യതകളെ കൃത്യമായി പ്രയോജനപ്പെടുത്താൻ വിദ്യാർത്ഥികൾക്ക് സാധിക്കണമെന്ന് അദ്ദേഹം ഓർമ്മിപ്പിച്ചു. സ്കൂൾ പി.ടി.എ പ്രസിഡന്റ് ജ. നൗഷാദ് ചടങ്ങിൽ അധ്യക്ഷത വഹിച്ചു. ഹെഡ്മാസ്റ്റർ വി.കെ. ഫൈസൽ ആമുഖ ഭാഷണം നടത്തി.

​

പ്രമുഖ കരിയർ ഗൈഡ് അബ്‌ദുൽ ഖാദർ ശില്പശാലയ്ക്ക് നേതൃത്വം നൽകി. കരിയർ പ്ലാനിംഗ്, പ്ലസ് വൺ ഏകജാലക പ്രവേശന പ്രക്രിയകൾ, എസ്‌.എസ്‌.എൽ.സിക്ക് ശേഷമുള്ള വൈവിധ്യമാർന്ന ഉപരിപഠന സാധ്യതകൾ എന്നിവയെക്കുറിച്ച് അദ്ദേഹം

വിദ്യാർത്ഥികളുമായി സംവദിച്ചു.

​ഈ വർഷം സ്കൂളിൽ നിന്നും എസ്‌.എസ്‌.എൽ.സി ഉന്നതവിജയം കരസ്ഥമാക്കിയ വിദ്യാർത്ഥികളും രക്ഷിതാക്കളും ശില്പശാലയിൽ പങ്കെടുത്തു. ചടങ്ങിൽ ടി.പി. ഫൈസൽ അലി നന്ദി പ്രകാശിപ്പിച്ചു.