ജീവന്റെ തുടിപ്പായി അച്ഛനും മകനും: സതീഷ് 41-ാം തവണയും രോഹിത് കന്നി രക്തദാനവും നിർവ്വഹിച്ചു.

ജീവന്റെ തുടിപ്പായി അച്ഛനും മകനും: സതീഷ് 41-ാം തവണയും രോഹിത് കന്നി രക്തദാനവും നിർവ്വഹിച്ചു.

 

​കോഴിക്കോട്: ജീവകാരുണ്യ പ്രവർത്തനങ്ങളിൽ പുതിയൊരു മാതൃക തീർത്ത് അച്ഛനും മകനും. കോഴിക്കോട് മെഡിക്കൽ കോളേജിൽ ചികിത്സയിൽ കഴിയുന്ന രോഗിക്ക് അടിയന്തരമായി രക്തം ആവശ്യമാണെന്ന 'ഹോപ്പ്' ഗ്രൂപ്പിലെ സന്ദേശം ശ്രദ്ധയിൽപ്പെട്ട ഉടനെയാണ് സതീഷ് മാവൂർ മകനുമായി ബ്ലഡ് സെന്ററിലെത്തിയത്.

​

കോഴിക്കോട് കോർപ്പറേഷൻ ഓഫീസിലെ ഉദ്യോഗസ്ഥനായ സതീഷിന്റെ 41-ാമത്തെ രക്തദാനമായിരുന്നു ഇത്. അച്ഛന്റെ പാത പിന്തുടർന്ന് മകൻ രോഹിത്തും ഇന്നലെ ആദ്യമായി രക്തദാനം നിർവ്വഹിച്ചു.

​

സന്നദ്ധ പ്രവർത്തനങ്ങളിൽ സജീവമായ സതീഷിന്റെയും, കന്നി രക്തദാനം നിർവ്വഹിച്ച രോഹിത്തിന്റെയും ഈ പ്രവൃത്തിയെ അഭിനന്ദനങ്ങളോടെയാണ് നാട് ഏറ്റെടുക്കുന്നത്. രക്തദാന രംഗത്തെ സജീവ സാന്നിധ്യമായ ഹോപ്പ് ഫൗണ്ടേഷൻ ഇരുവരെയും അഭിനന്ദിച്ചു. മറ്റുള്ളവർക്ക് പ്രചോദനമേകുന്ന ഇത്തരം പ്രവർത്തനങ്ങൾ സമൂഹത്തിന് വലിയൊരു സന്ദേശമാണ് നൽകുന്നതെന്ന് അധികൃതർ വ്യക്തമാക്കി.